Qazaqstan ómirge asa qaýipti taǵam tutynatyn álemdegi 10 eldiń qatarynda

Sarapshylar durys tamaqtanbaýdyń saldarynan ólim sany artqan elderdi atady. Qazaqstan alǵashqy ondyqqa endi dep habarlaıdy Qamshy.kz aqparat agenttigi Daily Mail saıtyna silteme jasap. 

Iendegi Frıdrıh Shıller atyndaǵy nemis joǵary oqý ornynyń ǵalymdary 1990 jyldan bastap 2016 jylǵa deıingi aralyqta zertteý júrgizgen. Nátıjesinde, ólimge dýshar etetin eń zııandy taǵam ónimderin tutynatyn - TMD elderi bolyp shyqqan. 

Bul kórsetkishte О́zbekstan kósh bastap tur. Nashar tamaqtanýdyń saldarynan bul elde ólim kórsetkishi 100 myń turǵynǵa shaqqanda 394 adam bolyp shyqqan.

Ekinshi orynda Túrkmenstan - 376 adam.

Qyrǵyzstan úshinshi orynǵa jaıǵasty. Munda – 350 adam ólimi tirkelgen.

Tizimde ary qaraı Ýkraına, Moldavııa, Ázerbaıjan, Tájikstan.

Aldyńǵy ondyqtyń toǵyzynshy ornynda Qazaqstan tur. Elimizde 100 myń turǵynǵa shaqqanda 306 adam ólimi tirkelgen. 

Alǵashqy ondyqty Reseı jabady. 

Sarapshylardyń pikirinshe, eń jaqsy tamaqtanatyn Ispanııa, Izraıl elderi eken.