• USD 378.65
  • EUR 430.07
  • RUB 6
  • CNY 55.1
22 Tamyz, 07:01:34
Senim údesinen shyqqan bank

03 Maýsym, 2019 Saıasat

Rınat Zaıtov: "Eldi shýlatyp júrgen men emes shyǵarmyn" (vıdeo)

Aıtysker aqyn Rınat Zaıtov Youtube arnasynan tikeleı efırge shyqty

  • Aıtysker aqyn Rınat Zaıtov Youtube arnasy arqyly tikeleı efırge shyqty dep jazydy Qamshy.kz aqparat agenttigi.

Sońǵy kezderi alda kele jatqan kezekten tys prezıdent saılaýy týraly oıyn ashyq aıtyp júrgen aqyn bul joly da tikeleı efırde saılaýǵa jáne kúni keshe Nur-Sultan qalasynda ótken Halyq quryltaıyna qatysty pikirin aıtyp, jeli qoldanýshylarynyń suraqtaryna jaýap berdi.

"Memleketimizde osyndaı jaǵdaı bolyp jatqanda men syrt qala almaımyn"

Ol aldymen, ózine "halyqty búldirmeı tynysh júr" dep aıtyp júrgenderge jaýap berdi.

"Birinshiden, sizderge unasyn, unamasyn, memleketimizde osyndaı jaǵdaı bolyp jatqanda men syrt qala almaımyn. Ekinshiden, eldi shýlatyp júrgen men emes shyǵarmyn. О́zderińiz bilesizder búgin ǵana Astanada kóp balaly analar «ashtyq jarııalaımyz» dep narazylyqqa shyǵyp jatyr",- degen Zaıtov "tal besikten jer besikke deıin para beretin, ótirikten quralǵan bıliktiń qazirgi júıesin bir qulatyp" alý úshin saılaýǵa barý kerektigin de aıtyp ótti.

Quryltaıǵa qatysty

Kelesi kezekte aqyn óziniń 1 maýsym kúni Nur-Sultan qalasynda ótken Halyq quryltaıyna qalaı jáne qandaı maqsatpen barǵany týraly aıtty.

"Quryltaı dep aıtýǵa aýzym barmaıdy. Qurmetti aǵaıyndar, men "anaý bıliktiń adamy, mynaý bıliktiń adamy" degennen aýlaqpyn. Áýeli bir Alla kýá. Men ótirik aıtsam, Qudaı jazamdy bersin, sizder qatelesseńizder, Alla sizderdi keshirsin. Qalaı bolǵanyn bastan-aıaq aıtyp bereıin. Quryltaıǵa shaqyryldyq. Bardym. Ol jaqqa barǵan soń shý shyǵýyn qalap otyrǵan 10 shaqty adamdy baıqadym. Olardyń sondaı oımen barǵany anyq. Bireýi kelip maǵan tısedi, bireýi basqasyna baryp shúıligedi. Sosyn men Baltash aǵaǵa: "men bir-eki aýyz sóz aıtsam bola ma?" dedim. Onyń ózin sol jerde turǵan jigitter qolqalady. Baltash aǵa: "eger sen "Qosanovty qoldaıyq" dep aıtatyn bolsań, sóılemeısiń" dedi. Úlken kisi, qarsy shyǵatyn eshqandaı qaqym joq, jaraıdy" dedim. Burylyp ketip bara jatqanda, jańaǵy qolqalap turǵan jigitter sony kórip qaldy ma, "Rınat sóılesin, Rınat sóılesin" dep aıqaıǵa basty. Sosyn 30 sekýndtaı sóıledim. Aıtqanym: "Qazaqtyń jalǵyz jaýy bar. Ol – "Nur Otan". Qazir kim Nur Otanǵa jaý, men sonyń dosymyn" dedim. Men osy sózimde qalamyn. Men buǵan deıin de osylaı aıtyp kelgem. Al barǵandaǵy maqsatym – ózin oppozısııa ókilimin dep júrgen hám osy júıege qarsy adamdardy osy júıege qarsy jumyldyrý", – dedi Zaıtov.

Toqaevqa qarsy daýys berý

Kelesi kezekte aqyn saılaýǵa baılanysty túrli ustanymda júrgen halyqty birigýge shaqyrdy. Aqynnyń oıynsha, qazirgi bılik júıesi halyqtyń jaqsy ómir súrýine túbegeıli qarsy. Sondyqtan ol saılaýǵa «boıkot» dep júrgenderdi júıege qarsy birigýge shaqyrdy. Rınat Zaıtov ol úshin saılaýǵa baryp Toqaevtyń kandıdatýrasyna qarsy úmitkerge daýys berý kerek dep sanaıdy.

Tikeleı efırdiń tolyq nusqasyn tómendegi vıdeodan kóre alasyzdar.

Vıdeo Rınat Zaıtovtyń Youtube jelisindegi jeke arnasynan alyndy.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir