• USD 378.65
  • EUR 430.07
  • RUB 6
  • CNY 55.1
26 Tamyz, 16:01:19
Nyǵmatýlın Parlamenttiń qos palatasyn birlesken otyrysqa shaqyrdy

31 Mamyr, 2019 Aımaqtar

Jańatastyq jas kásipkerdiń jomarttyǵy

Osylaısha jańatastyqtar Oraza aıynda kópke úlgi bolar tirlik jasaýda

Jańatas qalasynda taǵy bir kópbalaly otbasy «Rýhanı jańǵyrý» baǵdarlamasy «Bir otbasy, bir páter» aýdandyq jobasy aıasynda baspanaly boldy. Uzaq jyldar boıy páterden páterge kóship júrgen jalǵyzbasty anaǵa jas kásipker Farhat Isaqululy Shaımkulov úı syılady.

Mesenat  buǵan deıin de birqatar az qamtylǵan otbasylaryn azyq-túlikpen, basqa da jan-jaqty kómekpen qamtyp, múmkindiginshe qol ushyn sozyp kelgen.

«Osy otbasyny kózim shalǵan saıyn turmys jaǵdaıy tym tómen ekendigin baıqaıtynmyn. Kóp oılana kele osyndaı qadamǵa baryp, Oraza qarsańynda syılyq jasaýdy jón dep sheshtim. Elimizde páter alýǵa jaǵdaıy kelmeıtin, kópbalaly otbasylar jeterlik. Men musylman, óz elimniń patrıoty retinde, osyndaı jandarǵa óz atymnan kómek kórsetýdi jón dep sanaımyn», — deıdi kásipker.

Endi bul páter balalardyń syńǵyrlaǵan kúlkisine tolady. Bul otbasy burynǵydaı úıden úıge kóship júrmeıdi. Basybaıly baspanaly boldy. Nurgúl esimdi jalǵyzbasty 5 balaly ananyń qýanyshynda shek joq. Tolqyǵan ol kóz jasyna da erik berdi.

«Úıim joq edi. Tirshiliktiń taýqymetin jas ta bolsam az kórmedim. «Jyrtyq úıdiń Qudaıy bar» degen ras-aý, joq jerden 2 bólmeli úı berdi.      Mundaı bolady dep oılamap edim. Ishi kúshti, bárin jasap qoıypty. Bul kisige raqmet kóp. Allanyń nury jaýa bersin. Aspanymyz ashyq bolsyn.          Analardyń jaǵdaıyn jasaýǵa barynsha kóńil bólip jatqan oblys basshysy Asqar Myrzahmetovke  alǵysym sheksiz», — deıdi Nurgúl Qonysbaeva.

Jańa qonysqa kelgen Nurgúldiń úıine kórshisi,  76 jastaǵy ana Márish Baızaqova shashý shasha kelip, jaqsylyq jasap jatqan azamattarǵa aq batasyn berdi.

Al, munyń aldynda ǵana jergilikti kásipkerler Dáýletaldy Janbaev pen Toqtasyn Blálıev bir-bir otbasyny baspanamen qamtyp, kóptiń alǵysyna kenelgen bolatyn.

Osylaısha jańatastyqtar Oraza aıynda kópke úlgi bolar tirlik jasaýda.

Jaz-ata aýylynan jaǵymdy jańalyq

Jaz-ata aýylynan da jaǵymdy jańalyq. Moıynqum aýdandyq máslıhatynyń depýtaty, «Úrker» sharýa qojalyǵynyń jetekshisi Bákir Isabekov  Moıynqum aýylynyń turǵyny, kópbalaly otbasy Erjan Qarıevtiń januıasyna 80 sharshy metr bolatyn jeke úıdi satyp alyp berdi. Úsh balanyń ata-anasy Erjan men Nazgúl kóp jyldardan beri Bákir basqaratyn sharýa qojalyǵynda mehanızator bolyp eńbek etedi. Aýdan ákiminiń orynbasarlary Baqytjan Eseev, Baqytjan Qalymbetov, aýdan ákimdiginiń ishki saıasat bóliminiń basshysy Janar Nesipbaeva, «Nur Otan» partııasy aýdandyq fılıaly tóraǵasynyń birinshi orynbasary Manarbek Kóshkimbaev, aýdandyq ardagerler keńesiniń tóraǵasy Jambyl Qalybaev, aýdandyq jastar resýrstyq ortalyǵynyń dırektory Aıbat Baıǵonysov Erjan men Nazgúldiń qýanyshtaryna arnaıy kelip, ortaqtasyp quttyqtady. Jańa úı ıesiniń kórshi – qolańdary men aǵaıyn-týystary shashý shashyp, qonys toıymen quttyqtady.

Jaıdar Azamat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir