Jambyl oblysynda 4140 azamat jumyspen qamtýdyń belsendi sharalaryna tartyldy

Búgingi tańda Jambyl óńirinde azamattardy áleýmettik turǵydan qoldaý, olardy jumyspen qamtý, azamattardyń mártebesin anyqtaý máseleleri tıisti deńgeıde atqarylyp keledi. Sonymen qatar, jergilikti ákimdik tarapynan olarǵa laıyqty deńgeıde qoldaý kórsetilýde. Jambyl oblysynyń ákimi Asqar Myrzahmetovtyń tóraǵalyǵymen ótken jıynda biryńǵaı jıyntyq tólemniń engizilýine baılanysty, azamattardyń mártebelerin ózektendirý jáne osy baǵytta bekitilgen jol kartalarynyń oryndalý barysy qaraldy. Onda kún tártibindegi másele boıynsha oblys ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń basshysy Tımýrjan Nurymbetov baıandama jasady.

  Basqarma basshysynyń aıtýynsha, aldymen azamattardyń biryńǵaı jıyntyq tólemdi tóleý boıynsha aǵymdaǵy jyldyń I jartyjyldyǵyna arnalǵan josparynyń oryndalý barysyna toqtaldy. Jalpy, bul baǵytta óńirdiń jyldyq josparymen 20969, al, jarty jyldyqtyń josparymen 6454 adamdy qamtý kózdelýde. Búginde alty aılyqtyń jospary 3004 adamǵa, ıaǵnı, 46,5 paıyzǵa oryndalǵan desek, respýblıkanyń ortasha kórsetkishi 49,8 paıyzdy qurap otyr.

  Sondaı-aq, jıyn barysynda azamattardyń mártebelerin anyqtaý jumystarynyń nátıjesi de saralandy. Búgingi tańda oblys aýmaǵyndaǵy 207205 azamattyń 152048-iniń mártebesi anyqtalyp, kórsetkish 73,4 paıyzǵa jetken. Bul óz kezeginde oblysymyzǵa elimizdiń ózge óńirleri arasynda besinshi satyǵa kóterilýine múmkindik berip otyr. Sonymen qatar, mártebesi ózektendirilýge tıis azamattardyń arasynan 4140 azamat jumyspen qamtýdyń belsendi sharalaryna tartylǵanyn da aıryqsha atap ótken jón.

  Asqar Isabekuly bul jumystardyń mańyzdylyǵyn basa aıtyp, jumys nátıjeligin arttyrý jolynda jalpy jospardyń ár aıǵa bekitilgen ındıkatoryn belgileý kerektigin tilge tıek etti. Sondaı-aq, óńir basshysy jospardy oryndaýda sylbyrlyq tanytqan Taraz qalasy jáne birqatar aýdan basshylarynan jaýaptar aldy. Jospardy qalaıda oryndaý kerektigin alǵa tartyp, tıisti tulǵalarǵa naqty tapsyrmalar júktedi.

Dýlat Aıtbaı