"Kúrshim aýdany qytaılarǵa satylyp ketken". Ákim málimdeme jasady (vıdeo)

Bir-eki kún kóleminde áleýmettik jeliler arqyly Kúrshim aýdanynda qytaılarǵa jer satylǵaly jatqandyǵy týraly aqparat taraǵan. Osy aqparatqa qatysty Kúrshim aýdanynyń ákimi málimdeme jasady dep habarlaıdy Qamshy.kz aqparat agenttigi.

"Jer satylǵandyǵy týraly jalǵan aqparat tarap jatyr. Bul aqparattyń esh negizsiz ekenin málimdeımin. QR "Jer týraly" zańyna sáıkes, shetel azamattaryna jer berilmeıdi, satylmaıdy. Jer tek qazaqstandyq azamattar men shetelde úlesi joq qazaqstandyq zańdy tulǵalarǵa beriledi", - deıdi Kúrshim aýdanynyń ákimi Dýlat Qajanov.

Onyń aıtýynsha, qazirgi ýaqytta Kúrshim aýdanynyń aýmaǵynda qazaq eginshileri, qazaq sharýalary óz kásipterin dóńgeletip otyr. Qazaqtardan ózge jeri bar sheteldikter aýdan kóleminde joq eken-mys. 

Daıyndaǵan: Ádilet Mádenıet