Jastardyń jady «Rýhanı jańǵyrýda»

Jambyl oblystyq  «Rýhanı jańǵyrý» jobalyq ofısiniń uıymdastyrýymen M.H.Dýlatı atyndaǵy TarazMÝ-diń kitaphanasynda «Bookcrossing» aksııasy ótti. Sharada «100 jańa oqýlyq» arnaıy jobasy aıasynda qazaq tiline aýdarylǵan kitaptardyń mazmuny men maǵynasy kópshilikke túsindirildi.

Iá,  Memleket basshysynyń «Rýhanı jańǵyrý» memlekettik baǵdarlamasy jandanǵannan beri  óńir-óńirlerde óristi qadamdar jasalyp jatqany belgili. Bul bastama sonyń taǵy bir kórinisi.

Belsendi jastar, ÚEU kóshbasshylary, joǵary jáne orta arnaýly oqý oryndarynyń stýdentteri, mektep oqýshylary men oqyrmandar klýbynyń ókilderi qatysqan jıynda oblystyq «Rýhanı jańǵyrý» jobalyq ofısiniń basshysy Serikbol Berikqoja Elbasynyń «Rýhanı jańǵyrý» baǵdarlamasynyń jarııalanǵanyna bıyl eki jyl tolyp otyrǵanyn tilge tıek etip, baǵdarlamalyq maqalany óńirimizde júzege asyrýda eki jyldyń ishinde birqatar jumystar atqarylǵanyn jetkizdi.

– Búginde «Rýhanı jańǵyrý» baǵdarlamasy qoǵam tirshiliginiń barlyq salasyn qamtyp otyr. Oblysymyzda «Rýhanı jańǵyrý» baǵdarlamasyn júzege asyrýdy ilgeriletý maqsatynda oblys ákiminiń qaýlysyna sáıkes «Jambyl oblysynyń «Rýhanı jańǵyrý» jobalyq ofısi» kommýnaldyq memlekettik mekemesi quryldy. Qazirgi tańda atalmysh jobalyq ofıstiń bastamasymen M.H.Dýlatı atyndaǵy TarMÝ-niń qoldaýymen búgingi is-sharamyz uıymdastyrylyp otyr. Bul sharamyz «Rýhanı jańǵyrý» baǵdarlamasynyń «100 jańa oqýlyq» arnaıy jobasy aıasynda qazaq tiline aýdarylǵan kitaptardy jastardy oqýǵa daǵdylandyrý, – dedi ol.

Munan soń M.H.Dýlatı atyndaǵy TarMÝ fılosofııa jáne saıasattaný kafedrasynyń meńgerýshisi, f.ǵ.k., dosent Dına Kólbaeva Djeren Djeksonnyń «Fılosofııanyń tańdaýly 25 kitaby» týraly oıyn ortaǵa saldy. Ol óz sózinde qazaq tiline aýdarylǵan bul kitaptyń bolashaq maman ıelerin daıarlaýda alatyn mańyzy zor eken. Sebebi onda stýdentter úshin tyń málimetter legi toptastyrylǵan.  Sonymen qatar fılosofııa jáne saıasattaný kafedrasynyń dosenti f.ǵ.k., dosent Meıirhan Spanov Karen Armstrongtyń «Iýdaızm, hrıstıandyq pen ıslamdaǵy 4000 jyldyq izdenis: Qudaıtaný baıany» atty kitabyn oqyǵannan alǵan áserlerimen bólisti. Al ekonomıka jáne bıznes fakýltetiniń PhD doktory Sultan Ábildaev Gregorı Menkıýdiń «Ekonomıks» kitaby týraly pikirin bildirip, jahandaný zamanynda tehnıkamen qatar adamdardyń da oılaý qabileti básekege saı bolýy qajettigin sóz etti.

Jaıdar Azamat