28 Mamyr, 2019 Aımaqtar
Atyraý oblysynda eki mádenıet úıi paıdalanýǵa berildi
Atyraý oblysynda eki mádenıet úıi paıdalanýǵa berildi
23 mamyr kúni Inder aýdanynyń Esbol jáne Bódene eldi mekeninde mádenı nysandar óz jumysyn bastady. Jańa nysandar «Teńizshevroıl» JShS-niń «Igilik» erikti áleýmettik ınfraqurylym baǵdarlamasy aıasynda salynǵan. Nysandardyń ashylý saltanatyna Atyraý oblysy ákiminiń orynbasary Nurlan Taýbaev, «Teńizshevroıl» JShS-niń bas menedjeri Áset Qurmanbaev, oblystyq qoǵamdyq keńesiniń tóraǵasy Murat О́teshov, Inder aýdanynyń ákimi Meıirim Qalaýı jáne aýyl turǵyndary men ardagerleri qatysty.
-Elimiz egemendik alǵan kúnnen bastap tuńǵysh prezıdent N. Nazarbaev eń birinshi áleýmettik salalarǵa kóńil bólip, halyqtyń jaǵdaıyn jaqsartýǵa den qoıdy. Búgingi saltanatty shara osy bastamanyń bir kórinisi bolyp otyr.Osy ǵımaratty salýǵa demeýshilik jasaǵan kompanııa men merdiger mekemege alǵys bildiremiz,- deıdi oblys basshysynyń orynbasary.
Búgin kezekti nysandardyń ashylýyna kýá bolyp otyrmyz. Nysannyń salynýyna 2 jyl ýaqyt ketti. Bódene aýylyndaǵy 200 adamdyq jáne Esbol aýylyndaǵy 300 oryndyq mádenıet oshaqtary tolyqtaı qajetti jabdyqtarmen jabdyqtalǵan,- deıdi Áset Qurmanbaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir