• USD 378.65
  • EUR 430.07
  • RUB 6
  • CNY 55.1
21 Tamyz, 07:19:37
Alpınısterdiń naqty qaı jerde ekeni áli belgisiz

27 Mamyr, 2019 Aımaqtar

Jambyl óńirinde et jáne sút eksporty artýda

Sıyr etin eksporttaý boıynsha Memorandýmda belgilengen kórsetkishtiń  oryndalýy 101,4 paıyzyn, qoı eti

Jambyl oblysynda esepti kezeńde oblystaǵy taýaróndirýshiler eksportqa barlyǵy  1014,1 tonna sıyr jáne 1637,1 tonna qoı etin shyǵardy. Sıyr etin eksporttaý boıynsha Memorandýmda belgilengen kórsetkishtiń  oryndalýy 101,4 paıyzyn, qoı eti eksporty boıynsha 109,1 paıyzdy qurady. 

  Negizgi eksporttaýshylar qatarynda eksportqa baǵyttalǵan damyǵan tehnologııaly bordaqylaý alańdary jáne klaster quramyndaǵy «Ońtústik Halal Taǵamdary» JShS-i, Merki aýdanynda «Merki et kombınaty» JShS, Qordaı aýdanyndaǵy «Pervomaıskıe delıkatesy JShS» et kombınattary boldy. Et ónimderiniń negizgi bóligi Iran Islam Respýblıkasy, Bahreın Karoldigi, Kýveıt memleketine eksporttaldy. Osy kásiporyndardyń júktelimin arttyrý arqyly aldaǵy ýaqytta etti eksporttaý dınamıkasyn arttyrý josparlanýda. Baǵdarlama aıasynda qoldaǵy maldyń ónimdiligin arttyrý maqsatynda et baǵytyna tuqymdyq túrlendirý jumysy qolǵa alyndy.  

  Sonymen qatar, oblysta qus sharýashylyǵyn damytý boıynsha keshendi sharalar atqarylýda. Taǵamdyq jumyrtqa, qus etin óndirýdi arttyrý maqsatynda  «Asa damý» JShS,  «Áýlıe-ata Fenıks» JShS qus fabrıkalary keńeıtý jáne modernızasııadan ótýde. Baızaq aýdanynda «Allel Agro» JShS qus fabrıkasyn iske qosý jumystary jalǵasyn tabýda. Osy sharalardyń arqasynda oblysta óndiriletin qus etiniń kólemi 2 esege artady. Al, aǵymdaǵy jyldyń ózinde 224,7 tonna qus eti eksporttaldy.

  Aǵymdaǵy jyly mal sharýashylyǵy óndirisin damytýǵa baǵyttalǵan birneshe iri ınvestısııalyq jobalar iske asyrylady. Et óndirisi men óńdeýdi damytý úshin Merki aýdanynda malaızııalyq ınvestorlardyń ókili bolǵan «Agrostan Farms» JShS tarapynan 3,0 myń basqa arnalǵan bordaqylaý alańynyń qurylysy, Moıynqum aýdanynda «Moıynqum Agro» JShS tarapynan et baǵytyndaǵy mal sharýashylyǵyn damytý jobasyna sáıkes asyl tuqymdy mal reprodýktory jáne 3,0 myń basqa arnalǵan bordaqylaý alańynyń qurylysyn bastaıdy. Budan bólek Qordaı aýdanynda «Kazmeat Kordai» JShS-niń bordaqylaý alańy qaıta qurý arqyly jylyna 8,0 myń bas múıizdi iri qara bordaqylaýǵa qaýqarly iri keshenge aınalady.

  Qoı eti eksporty kólemin arttyrý úshin arnaıy klaster qurylady. Osy maqsatta zákirli kooperasııa qatynastary jolǵa qoıylyp Jambyl, Qordaı, Merki, T.Rysqulov, Shý, Talas, aýdandarynda jylyna 20,0 myń bas qoıdy bordaqylaýǵa arnalǵan alańdar qurylady. Bul keshender et kombınattarymen baılanystyrylady. Joba aıasynda taýarly sharýashylyqtardy  asyl tuqymdy qoshqarmen qamtamasyz etý, qoldan uryqtandyrý qyzmetterin kórsetýge arnalǵan akrnaıy servıstik mekemeler uıymdastyrylady. Sút baǵytyndaǵy mal sharýashylyǵyn damytýǵa arnalǵan uzaq merzimdi konsepsııa qabyldanyp, oblysta 2018-2027 jyldar aralyǵynda jańa 61 sút-taýar fermasy iske qosylady. 12 sút taýarly fermasy saýyn sıyr sany 400 basty quraıtyn iri keshender jumys isteıdi.  

Dýlat Aıtbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir