• USD 378.65
  • EUR 430.07
  • RUB 6
  • CNY 55.1
20 Tamyz, 03:12:21
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

26 Mamyr, 2019 Ǵylym-bilim

Qazaqstandaǵy TOP-5 joǵary oqý oryndary

Eń úzdik 5 joǵary oqý orynynyń qataryna qandaı ýnıversıtet, akademııalar kiredi?

Bıylǵy oqý jyly támámdaldy. Aldymyzda – jańa oqý jyly. Mektepti bitirgen jas túlekter ózderiniń bolashaǵy jarqyn bolýy úshin úzdik joǵary oqý oryndaryna túsýdi qalaıdy. Elimizdegi mańdaıaldy oqý ordalaryn zerttep, sapaly bilim beretin oryndy tańdaıdy. Qamshy.kz aqparat agenttigi óz kezeginde oqýshylarǵa joǵary oqý orynyn tańdaýda kómek bermekke sheshim qabyldady. Qazaqstandaǵy úzdik joǵary oqý oryndarynyń tizimin usynyp, tańdaýdy jeńildete túspekpiz. Endeshe ári qaraı oqyńyz.

Elimizdegi joǵary bilim beretin oqý ordalarynyń dárejesi jyl sanap ósip keledi. Joǵary oqý oryndarynyń bilim berý baǵdarlamalary da jańaryp, álemdik standarttarmen sáıkestendirilýde. Tarıhy tereń, mártebesi joǵary ýnıversıtetter atalǵan júıege áldeqashan ótip, stýdentterge osy júıe boıynsha bilim berýde. 

Sonymen, eń úzdik 5 joǵary oqý orynynyń qataryna qandaı ýnıversıtet, akademııalar kiredi?

  1. Ál-Farabı atyndaǵy Qazaq Ulttyq ýnıversıteti

Irgetasy ótken ǵasyrdyń 30-jyldarynda qurylǵan irgeli oqý ordasynyń abyroıy asqaq búginde. Qazir QazUÝ - TMD kóleminen álemniń 250 úzdik ýnıversıtetiniń qataryna kirgen eki joǵary oqý orynynyń biri. Ekinshisi – M.V.Lomonosov atyndaǵy Máskeý gýmanıtarlyq ýnıversıteti.

Osyndaı bıik dárejege kóterilgen ýnıversıtettiń bilim bazasy da keń, bilim berý baǵdarlamasy da álemdik ozyq júıelerge sáıkestendirilgen. Otyz myńnan astam stýdent oqıtyn bilim ordasynda shetelden kelip, bilim alyp jatqan jastardyń da úles salmaǵy basym.

QazUÝ-dy tańdaý nege paıdaly? О́ıtkeni, elimizdegi bilim salasyna engizilgen oń ózgeristerdiń barlyǵy osy oqý ordasynda tájirıbeden ótedi. Demek, stýdentterge bilim alý barysynda mol múmkindikter týyndaıdy.

Sondaı-aq, ál-Farabı atyndaǵy QazUÝ-dyń álemdegi birneshe ozyq ýnıversıtettermen ózara kelisimsharty bar. Bul kelisimsharttar akademııalyq utqyrlyq arqyly qazaq jastarynyń shetelde bilim alýyna múmkindik beredi.

  1. L.Gýmılev atyndaǵy Eýrazııa Ulttyq ýnıversıteti

1996 jyly Elbasynyń arnaıy buıryǵymen qurylǵan Asana qalasyndaǵy  Eýrazııa Ulttyq ýnıversıteti búginde elimizdiń jetekshi oqý oryndarynyń qatarynda. EUÝ da mańdaıaldy ýnıversıtetterdiń biri bolǵandyqtan, álemdegi bıik dárejeli joǵary oqý oryndary qoldanysqan engizip otyrǵan bilim berý júıesine kóshken.

L.N.Gýmılev atyndaǵy joǵary oqý oryny álemdegi ozyq ýnıversıtetterdiń reıtınginde 336 orynǵa jaıǵasqan. Ýnıversıtet jyl saıyn damyp, óz stýdentterine barlyq jaǵdaıdy jasap otyr. Búginde ýnıversıtet kóleminde 28 ǵylymı mekeme men 13 fakýltet bar.

Ǵylymı mekemelerdiń qataryna zerthanalar, ınstıtýttar, túrli ǵylymı-zertteý ortalyqtary kiredi. Sondaı-aq, iliktilikti arttyrý ortalyqtary men áskerı kafedra jumys jasaýda.

  1. M. Áýezov atyndaǵy memlekettik ýnıversıtet

1943 jyly negizi qalanǵan Shymkent qalasyndaǵy Muhtar Áýezov atyndaǵy memlekettik ýnıversıtet búginde 76 tehnıkalyq jáne gýmanıtarlyq sala boıynsha mamandar daıarlaýmen aınalysyp keledi. Quramynda 14 fakýltet pen áskerı kafedra bar.

Gýmanıtarlyq jánetehnıkalyq bilim alǵysy kelgen stýdentterdiń kópshiligi Shymkent qalasyndaǵy osy joǵary oqý orynyna bet buratyny belgili. Qazir ýnıversıtette jańa bilim berý baǵdarlamasyn tolyqqandy engizgen. Jańa oqý jylynan bastap ózge de oń ózgeristerdiń bolary anyq.

Sondaı-aq, ýnıversıtettiń stýdentterge qajetti tıimdiligi – oqý aqysynyń tómendeý bolýy.

  1. S.D.Asfendııarov atyndaǵy Qazaq Ulttyq medısınalyq ýnıversıteti

S.D. Asfendııarov atyndaǵy Qazaq Ulttyq ýnıversıtetiniń irgetasy 1931 jyly qalanǵan. Bul bilim ordasy elimizdegi aq halatty abzal jandar daıarlaý isindegi jetekshi ýnıversıtetke aınalǵan. Medısınanyń barlyq salasy boıynsha maman daıarlaý isinde álemdegi ozyq júıelerdi paıdalanady. Sondaı-aq, oqý ordasynda barlyq tehnıkalyq jabdyqtarmen jaraqtalǵan zerthanalar qarastyrylǵan jáne elimizdegi medısına salasynyń úzdik ustazdary da osy oqý ordasyna shoǵyrlanǵan.

Jyl saıyn medısına qyzmetkeri bolýdy kózdegen talapkerler osy ýnıversıtetke túsýdi armandaıdy. Almaty qalasynyń ortalyǵynda ornalasqan oqý ǵımaratynyń da tarıhy tereńde.

Qazir Qazaq Ulttyq medısınalyq ýnıversıteti Elbasynyń «Rýhanı jańǵyrý» baǵdarlamalyq maqalasyn qarqyndy qoldap, bilim berý júıesin tolyq latyn qarpine kóshirý jumystaryn júrgizýde. Aıtýlarynsha, bul bastama arqyly medısına salasynda biliktilikti arttyrý deńgeıi joǵarylamaq.

  1. Qazaq Ulttyq agrarlyq ýnıversıteti

Qazaq Ulttyq agrarlyq ýnıversıteti – elimizdiń aýylsharýashylyq salasyna sapaly maman tárbıelep berip otyrǵan jetekshi oqý oryny.

Búginde elimiz aýyl sharýashylyǵyna, ásirese, mal sharýashylyǵy men egin sharýashylyǵyna úlken kóńil bólip otyrǵanyn bilemiz. Osy tusta aýyl sharýashylyǵynyń naǵyz mamandaryn daıarlaý isinde atalǵan bilim oshaǵynyń eńbegi zor.

Ýnıversıtette qazir alty fakýltet pen júzdegen bilikti mamandar jumys jasaıdy. Jyl saıyn aýyl sharýashylyǵyna degen talapkerlerdiń de qyzyǵýshylyǵy artyp keledi.

Biz tek qazaqstandyq júıede bilim beretin joǵary oqý oryndaryn atadyq. Budan bólek, elimizde arnaıy ulǵaıtylǵan ári tereńdete bilim beretin jáne sheteldik baǵdarlamalarmen oqytatyn ýnıversıtetter bar. Tańdaýdy patsha kóńilińiz bilsin!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir