13 Aqpan, 2019 Densaýlyq
Brıtandyq ǵalymdardyń obyrǵa qarsy revolıýsııasy
Terapııanyń júrek aıný, álsizdik, murynnan qan aǵý syndy keri áserleri de bar. Alaıda, ol ótpeli.
Brıtandyq ınstıtýt ǵalymdary obyrdyń 6 túrine qarsy dári oılap tapty. Innovasııalyq terapııa «troıandyq at» prınsıpimen áser etedi. О́ndirýshiler toksındyq molekýlalardy zııansyz antıdenemen qaptaǵan. Osylaısha ol obyrdy dóp taýyp, ony ishinen qurtady. Obyrdyń sońǵy shegine jetken, eń kóp taralǵan, sondaı-aq buǵan deıin basqa em túrleri áser etpegen qaralýshylarǵa tájirıbe jasaldy.
Ásirese, zertteýshiler jatyr moıny isigi men nesep joldaryndaǵy obyrǵa qarsy jaqsy nátıjege qol jetkizgen. Jazylmaıdy degen dıagnoz qoıylǵan tórt qaralýshynyń jaǵdaıy osydan soń jaqsara bastady. Alty aı men toǵyz aı aralyǵynda tájirıbe jasalǵan qaralýshylarda isik óspegen nemese kólemi qysqarǵan.
Sonymen qatar terapııa ókpe, as qorytý, jatyr men analyq bezdiń qaterli isigin qaıtardy deıdi brıtandyq medbıkeler. Biraq, qýyq joly qaterli isigine áser etpepti.
«Troıandyq at»
О́ndirýshiler TV (tisotumab vedotin) dep ataǵan dáride hımııalyq gıbrıd pen ımmýnoterapııa bar.
Toksındi zat antıdeneniń sońyna bekitilgen. Ol qaterli isik jasýshalarynyń betinde kóp mólsherde bolatyn CD142 aqýyzymen birigedi. Nátıjesinde molekýla isik ishine enedi, toksınniń syrtqy qabyǵy ajyrap, jasýshany ishinen joıady.
Terapııanyń júrek aıný, álsizdik, murynnan qan aǵý syndy keri áserleri de bar. Alaıda, ol ótpeli. Birinshi klınıkalyq zertteýde Belgııa, Ulybrıtanııa, Danııa, AQSh, Shvesııadan 150-ge jýyq naýqastar qaralǵan. Tájirıbe jetekshisi obyrǵa qarsy zertteý ınstıtýtynyń basshysy Djoana de Bononyń aıtýynsha, bul dári ishek, uıqy bezi, bas qaterli isiginen de aıyǵýǵa septigin tıgizedi.
«Bul jańalyq terapııanyń áreket etý prınsıpin bildiredi. Dári-dármek obyr jasýshalaryna enip, troıandyq at sııaqty olardy ishinen óltiredi», – dep túsindirdi ol.
Bes jyl kóleminde mundaı terapııa klınıkalyq zertteý aıasynda ǵana emes, qatardaǵy pasıentterge de qoljetimdi bolmaq.
Saltanat Shynádil
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir