Internet-konferensııa: Amangeldi ÁBDIHALYQ

Internet-konferensııamyzdyń kezekti qonaǵy - belgili qajylyq saparyn uıymdastyrýshy, «Nur-Qazaqstan» qajylyq kompanııasynyń prezıdenti, fılosofııa ǵylymdarynyń kandıdaty, dosent, kóptegen ǵylymı eńbekterdiń avtory Amangeldi Erenǵaıypuly.

Ol  qajylyqta 74 márte (20 úlken qajylyq, 54 ýmra) bolǵan. Osy ýaqytqa deıin 10 myńnan astam Qazaqstan qajylaryn Saýd Arabııasyna alyp barýǵa jetekshilik etti. 2007 jyly Saýd Arabııasy sheıhtarynyń qolynan Qaǵbanyń altynmen jalatylǵan jazýy bar kısýásyn (jamylǵysyn) syılyqqa aldy. Al, 2008 jyly Qasıetti Qaǵbanyń ishine kirip, duǵa tileý múmkindigine ıe boldy. 2009 jyly «ál-Aqsa meshitiniń tarıhy» eńbegi Palestınada joǵary baǵalanyp, ál-Aqsa meshitiniń bas ımamy Sheıh Muhammedtiń qolynan «Qýbbatýs-Sahra» meshitiniń altyn kúmbeziniń bir bóligi beınelengen eskertkish syıǵa berildi. 2010 jyly ekinshi ret Qasıetti Qaǵbanyń ishine kirip, duǵa tileý múmkindigine ıe boldy jáne Saýd Arabııasy sheıhtarynyń qolynan ekinshi ret Qaǵbanyń kısýasyn syıǵa aldy. 2011 jyly halyqtar arasyndaǵy birlik pen yntymaqtastyqty nyǵaıta otyryp, ımandylyq salasynda júrgizgen eńbegi úshin Halyqaralyq «Ata Túrik» atyndaǵy altyn medalmen marapattaldy. 2012 jyly Palestına ólkesi, Ierýsalım qalasyndaǵy «Ál-Aqsa» akademııasynyń qurmetti professory ataǵy berildi. 2013 jyly BUU atynan «Qoǵam aldyndaǵy eńbegi úshin» altyn medalimen marapattalyp, buǵan qosymsha «Beıbitshilik mıssııasynyń elshisi» degen dıplomatııalyq ataqqa ıe bolǵan. 2014 jyly BUU «Adam quqyǵyn qorǵaý komıteti» atynan, erligi úshin beriletin «Altyn qyran» tós belgisimen marapattaldy. 2015 jyly Amangeldi qajynyń bastaýyndaǵy «Nur-Qazaqstan» qajylyq kompanııasy Ulttyq bıznes-reıtıng boıynsha TMD elderinde alǵash ret «Sala jetekshisi» atandy. Osyǵan baılanysty Amangeldi Erenǵaıypulyna Memlekettik ekonomıkany damytý jáne Qazaqstannyń halyqaralyq bedelin nyǵaıtý salasynda Otan aldynda eren eńbek etken tulǵalarǵa  beriletin «Dańyq juldyzy. Qazaqstan ekonomıkasy» ordeni berildi.

Mártebeli, oqyrman! Amangeldi Erenǵaıypulyna qoıar saýalyńyz, bóliser oılaryńyz bolsa, marhabat!