Premer-mınıstr OQO-daǵy «Jibek joly» keden beketinde boldy

Búgin OQO-ǵa barǵan Baqytjan Saǵyntaev jospardaǵy baǵdarlamadan tys Saryaǵash aýdanyndaǵy «Jibek joly» keden beketinde boldy.

Halyqaralyq baqylaý–ótkizý beketi О́zbekstanmen shekarada Jibek joly kentinde ornalasqan. Munda eki baǵytta shekaradan ótetin adamdar men kólik quraldarynyń shekaralyq baqylaýy júzege asyrylady.

QR Premer-Mınıstri Baqytjan Saǵyntaevqa keden beketi arqyly táýligine 25 myńǵa deıin adam jáne 100-ge jýyq kólik ótetini týraly aıtyldy. Sonymen qatar «QazJolServıs» JShS basshysy E. Dıqanbaevtyń aıtýynsha, avtovokzaldyń jańa ǵımaratynyń salynýy eki el arasyndaǵy jolaýshylar aǵynyn jáne júk tasymalynyń kólemin ulǵaıtýǵa múmkindik beredi.

Sonymen qatar Saryaǵash aýdanynyń ákimi Qaırat Ábdýálıev BО́B qyzmeti, keden aýmaǵyn keńeıtý, Saryaǵash aýdanynyń aýmaǵynda ornalasqan tórt keden pýnktin kóriktendirý jumystary týraly baıandady.

Eske sala keteıik, búgin Memleket basshysynyń tapsyrmasy boıynsha QR Premer-Mınıstri Baqytjan Saǵyntaev jumys saparymen Ońtústik Qazaqstan oblysyna bardy. Sapardyń maqsaty —  Prezıdenttiń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýlary men Bes áleýmettik bastamasynyń júzege asyrylý barysymen tanysý.