«Kók týdyń jelbiregeni» áni óz deńgeıinde oryndalyp júr me?

http://youtu.be/iP47jLyWNcA

«Kók týdyń jelbiregenin»  ár qazaq jyrlaýǵa tıisti. Biraq ornymen, melodııasymen oryndasa eken. О́z qalpynda oryndamasa, halyqqa jetpeıdi. Ibragım inimiz bul ándi lırıkaǵa aınaldyryp jiberipti. Biz «Kók týdyń jelbiregeni» ánin 2001 jyly 16 jeltoqsanda Respýblıka alańynda alǵash ret oryndadyq.  Halyq keremet qabyldaǵan.  Sol úshin aıryqsha ter tóktik desek artyq aıtqandyq emes. Bul án bizdiń pasportymyzǵa aınaldy.  «Qazaq radıosynyń» Altyn qoryna endi. Ánniń avtory Ermurat marqum tiri kezinde erekshe rızashylyǵyn bildirgen. 2007 jyly án sóziniń avtory Almas Ahmetbek demeýshi bolyp,  Oralhan Sádýaqastyń oranjırovkasymen qaıta óńdep oryndadyq.  Aldaǵy ýaqytta rýhty oıatatyndaı etip, klıp túsireıik dep jatyrmyz.  

Ibragım baýyrymyzǵa aıtyrmyz, mundaı bıik ándi shynaıy deńgeıi, óresi jetse oryndasyn.  Osy ánniń halyqqa jetýi úshin 11 jyl ter tóktik. Al ony bul baýyrymyz alady da, lırıkaǵa aýystyrady. Bul – úlken qatelik. Tipti alǵash oryndaýshylardyń biri osy kisiler ǵoı dep bir aýyz ruqsat suraýdy da bilgen joq. Ermurat marqumnyń jan dúnıesin tebirentip shyǵarǵan mundaı áýendi qalaı bolsa solaı  buzýǵa bolmaıdy. О́ıtkeni, «Bul ánniń baǵyn sender ashtyńdar, sender kóterińder» dep, Ermurat marqum bizge amanattaǵandaı bolyp edi. http://youtu.be/alOTLSogUak

Bul án 1999 jyly shyqty. Án bolyp, qatarǵa qosylǵany 2000 jyldary. Ermurttyń birinshi konsertinde Maıram  Muhamedqyzy oryndaǵan. Bul ándi estradada aıtyp júrgenine kóńilim tolmaıdy. Melodııasyna ózgerister jasaǵan, biraz jerinde qatelik bar. Biraq halyqqa taratyp júrgenine rahmet aıtamyz.  «Bireýdiń  jolyna izdenis jasasań, durystap jasa» deıdi ǵoı. Ermurat marqum tiri bolsa, «myna jerin bylaı aıtý kerek, myna jerin bylaı oryndaý kerek» dep Ibragımge eskertetini sózsiz edi... Biz árqashan óz nusqamyzben oryndaı beremiz. Keshe Konstıtýsııa kúnine oraı Respýblıka saraıynyń aldynda ótken konsertte de Ermurattyń notasy boıynsha oryndap shyqtym. http://youtu.be/ldTxogCeNy8

– Bul án men súıip tyńdaıtyn ánderdiń biri. Jaqynda Ibragım Eskendirdiń oryndaýynda tyńdap taǵy bir rıza boldyq. Degenmen ánniń bulaısha lırıkalyq án bolýyna árkim ártúrli pikir aıtýda. Jalpy, sazgerdiń óz qalaýy boıynsha osylaı oryndalyp jatsa, árıne, qarsy emespiz. Biraq erteń taǵy bireýler basqa janrǵa salyp nemese óz qalaýynsha ózgertip jatsa, keremet ánniń qadiri qashady dep oılaımyn. Ánniń sózin jazǵan aqyn Almas Ahmetbekulynyń pikirin bilý úshin habarlasqanymyzda, ol óziniń Qytaıda saparda júrgenin aıtty. Eger osy pikirlerge baılanysty Ibragım Eskendir óz jaýabyn aıtyp jatsa, ony da óz qalpynda oqyrmanǵa usynýǵa barmyz.