«ABAI» ESKERTKIShI ALYNYP TASTALDY

Shyǵys Qazaqstan oblysynyń ortalyǵy – О́skemen qalasynda Abaı men Mıhaelıske ornatylǵan eskertkishtiń sýreti keshe áleýmettik jelide paıda bolyp, úlken talqylaý týǵyzdy.  Jýrnalıst Qanat Oralbek jarııalaǵan sýrette Qazaqtyń uly oıshyly Abaı asa bir jaǵymsyz keıipte músindelgeni anyq kórinedi. Abaıdy mazaq etken eskertkishke baılanysty Abai.kz saıtynda «Abaıdy mazaq etý – qazaqty mazaq etý»  atty maqala shyqqan bolatyn. Aıta keterligi eskertkish eshqandaı saltanatty jaǵdaıda emes, eleýsiz ýaqytta ornatyla salǵan.

Shyǵys Qazaqstan oblysy ákiminiń orynbasary Jaqsylyq Omar óziniń «Twitter» áleýmettik jelidegi blogynda Oblys basshysynyń nusqaýymen О́skemen qalasy ákimdiginiń eskertkishti alyp jatqany týraly jazdy.

Qatelik ketti, eskertkish alyndy.  Durys, is osymen bite me?! Jurt shýlamasa, Abaı, dana  Abaı emes-aý, qazaq qorlanyp qala beretin be edi? Eskertkish ataýly ornatylar aldynda ıdeologııalyq, tarıhı jáne basqa da saraptamadan ótkizilýi kerek qoı.

Bolǵan jáıtke baılanysty biz О́skemen qalasynyń ákimdiginiń baspasóz hatshysy Aıaýjan Áshimovaǵa habarlasqan edik, eskertkishke qandaı memlekettik mekeme tapsyrys bergeni, jáne músinshileri kim ekenin jáne eskertkishke qansha qarajat tólengenin bilgimiz kelgen jazbasha suraýymyzǵa tómendegideı jaýap aldyq:

«О́skemen qalasynda 22 maýsym kúni Abaı dańǵyly men Mıhaelıs kóshesiniń qıylysynda Abaı men Mıhaelıske arnalǵan eskertkish ornatylǵan. Biraq tapsyrys berýshi qalalyq ákimdik tarapynan eskertkishtiń o bastaǵy bekitilgen maketke sáıkessizdigi anyqtalǵan bolatyn. Qalalyq bılik Ulylaryn ulyqtaýdy oılap, qos danaǵa arnalǵan  tamasha eskertkishtiń jasalýyn kútken edi. Qazirgi kezde eskertkish qaıtadan avtorlardyń sheberhanasyna qaıtaryldy. Eskertkish daıyn bolǵanda qaıta ornatylady. Avtorlary  Vladımır Samoılov pen Evgenıı Nepıanov. Eskertkish fıbrobetonnan jasalǵan. Al tehnologııa boıynsha mundaı materıaldan eskertkishter 10, ári ketse 30 kún  ishinde jasalady. Eskertkishtiń quny ol daıyn bolǵanda anyqtalady. Ázirge  eskertkish avtorlaryna eshqandaı qarajat tólengen  joq.» Sondaı-aq Aıaýjan Áshimovamen telefon arqyly bolǵan áńgimemizde ol eskertkishtiń túnde ornatylǵanyn rastady. Onyń sebebin jol qozǵalysyna kedergi keltirmeý áreketi dep túsindirdi.

О́skemen ákimdiginiń baspasóz hatshysynyń jaýabynan túıgenimizdeı qazaqty mazaq etken músindi Vladımır Samoılov pen Evgenıı Nepıanov jasaǵan. Jurttyń dabylymen alynyp tastalǵan eskertkish osy músinshilerge qaıtadan qaıtarylypty. Alǵashqy jasaýyn ońdyrmaǵan olar dana Abaıdyń tulǵalyq kelbetin beıneleı alama?!

Jalpy, mundaı sumyraı «eskertkishter» elimizdiń oblys ortalyqtarynda jetip-artylady. Sonyń biri – Aqtóbedegi «Qan men ter» romanynyń keıipkerlerine qoıylǵan tómendegi «qubyjyqtar» bolyp tabylady:

abai.kz