Dına Tólekova. Otanynyń bolashaǵyna shyn alańdaǵan kópke topyraq shashýǵa bola ma?

Eýrazııalyq Odaqqa qarsylyq tanytqan dúıim jurtty kinálap jatqan bir top aǵaıyn bar. "Qara aspandy qapyltty, aqyrzaman ornatty, kúńirenetindeı ne boldy sonsha, ótirik jylap-syqtap jatyr" qoıshy áıteýir qarapaıym halyqqa aıtylmaǵan syn, taǵylmaǵan min qalmady. Al prezıdenttiń osy sheshimin aqtap alýǵa kelgende, aldaryna jan salmaıdy. Jaraıdy delik, bireýi psevdopatrıot shyǵar, ekinshisi ótirikultshyl delik, biraq, týǵan Otanynyń bolashaǵyna shyn alańdaǵan kópke topyraq shashýǵa bola ma? Álde alańdaýǵa negiz joq pa? О́z baýyrynyń jerine qol salyp, Ýkraına halqynyń kóz-jasyna qalǵan Reseı bizge qaýipti emes dep kim aıta alady? Dos ekendigine kim kepildik beredi? Aý, 2 myń bettik EO sharttarynda "ortaq shekara, ortaq azamattyq, ortaq valıýta tb" týraly sóz qozǵalǵannan soń, el ulardaı shýlamaı qaıtedi? EO-tan "utatynymyz mynaý, al mynaý jerde utylamyz" degen salmaqty saraptamalar boldy ma? Bılik tarapynan. Joq, bolǵan joq. О́ıtkeni, olardyń ózi bul odaqtyń bolashaǵyna kúmánmen qarap otyr. Altylyq ekeni aıdan anyq Jırınovskıı, Lımonovtardyń daýly málimdemelerinen keıin, Taıchıbekov syndy FSB-nyń kúshikteriniń taırańdaýynan soń, eldiń kúmáni ulǵaımaı ne isteıdi? Álde dúıim jurttyń Qudaıdan tilep alǵan Táýelsizdigi men el taǵdyryna alańdaýǵa qaqy joq pa? BAQ-ta shynaıy, obektıvti aqpar joq. Halyqtyń qalaýyn pysqyrmady. Senzýramen tumshalap tastalǵan! Endi, kókeler, eń qurǵanda áleýmettik jelilerde sher tarqatýǵa mursat berińder! Qara shańyraǵymyzdyń amandyǵyna shyr-pyr bolǵan el vırtýaldy keńistikte ishtegi muńyn aıtsyn, qatyp qalǵan zapyranyn tóksin, keýdelerinde tolǵan óksigin bassyn. Búgin aıtsa, erteń basylyp, sabasyna túsedi. Búgin qyzaryp keshtiń batatynyn bilgen el, týra erteń bozaryp tań atatynyn jaqsy biledi. Munyń barlyǵy zańdy, qalypty, boljanǵan, bolýǵa tıis reaksııa. Osydan jarylyp jatqan basty, atylyp jatqan tasty kórdińizder me? Áýelden "aıtpasa sózdiń atasy óledi" deıtin qazaqpyz. Tabıǵatymyz sol. Erden aspaq bolsa da, elden aspaq eshkim joq!

(avtordyń feısbýktegi jazbasynan)