Sheteldegi qazaq jastaryna úndeý! Ne ól, ne kel...

“Sheteldegi” desekte ata-babamyzdan qalǵan óz jerimizde otyrǵan ardaqty Baýyrlary, Aǵalarym, Jeńgelerim, Ini-Qaryndastarym!!

Sońǵy kezde álemde bolyp jatqan oqıǵalardy bilip,kórip jatqan bolarsyńdar! Reseı zoreker-shapqynshylary táýelsiz Ýkraın eliniń terrıtorııa tutastyǵyna qol suǵyp, Qyrym parlamentin qarýly adamdarmen qorshap, depýtattardyń otbasyn,bala shaǵasyn qorqytý arqyly  Reseıge qosylýǵa májúbir etti. Bul baryp turǵan zorekerlik! О́zderiń bilesińder, Qazaq eli alǵash táýelsizdik alǵan kúnnen bastap sheteldegi qandastaryn shaqyrdy. 20 jyl boıy kóshi-qon saıasaty úzbeı júrip keldi. Sonyń arqasynda elge bir mıllıon qazaq oraldy. Olar Qazaq elinde ósip-ónip, tıisti eńbek etip, jaqsy ómir súrip jatyr. Árıne, osy barysta keıbir orysqul, Qazaq eliniń táýelsizdigin, qaýipsizdigin oılamaıtyn, kórsoqyrlardyń kesirinen kóshke qoldan kedergi jasalǵany belgili. Degenmen ótken 20 jyl ishinde qazirgiden de kóp qazaqtyń Atajurtyna oralýyna bolar edi. Múmkin ómirdiń bitpeıtin usaq tirligi mursha bermegen bolar. Tipti, keıbir kerenaý oılaıtyn qandastarymyz elge ókpe-naz aıtyp,kóshtiń baısaldy bolýyna kedergi keltirdi.

 Mine, dál qazirgi ýaqytta jerimizdiń tutastyǵyna qaýip tónip tur desek te bolady. “О́gizge týǵan kún buzaýǵada týady!”. Eger rasynda Qyrymdaǵy jaǵdaı bizdiń soltústik obylystarda qaıtalansa, onda shetelde júrip “Maqtan etetin” jalǵyz Otandaryńnyń taǵdyry ne bolmaq? Otan  – syrttaı tamashalap, qyzyqtap, jyr-sóz arnap qana qoıatyn zat emes. Ol – seniń anań! Anańa ókpelep, jaý qolyna tastaıtyn bolsań nesine qazaqsyń? Nesine adamsyń? Qalaı desek te, qansha kedergi jasalsa da, myń jerden bóget, júz jerden asý qoıylsa da dál osy syn-saǵatta keýdesinde oty bar sheteldegi qazaq jastary elge bet  burýy tıis. “Bastaryńa is túskende shaqyrdyńdar ma?” dep tanaýlaryńdy kókke kótermeńder. Meniń basyma túsken ýaıym – seniń basyńa túsken azap! Eldegi keıbir máńgúrt sheneýnikterge ókpelep, Otanyńnan jerime! “Bıtke ókpelep tonyńdy otqa jaqpa” degen atalarymyz! Ataly sózge toqtaıtyn halyq edik, «Elim» deıtin jastar Qazaqstan jerine bet alsyn! Tup-týra joǵarydaǵy kartada kórsetilgen qazaqtiń úles salmaǵy tómen óńirlerge shańyraq kótersin! “Tamshy tas tesedi,jip aǵash kesedi!” deıdi. О́z otanymyzǵa tamshydaı tamyp, kólimizdi kóbeıtpesek,bizdi kim jarylqaıdy? Bizdi azýyn aıǵa bilegen AQSh ta, Eýropada qutqara almaıdy. Qazaqty tek qazaq qana qutqarady. Qazaqty jamandama Qazaq bala, Halyqpyz Qazaq degen az-aq qana! Máńgilik aı astynda,jer ústinde, Qazaqtyń janashyry qazaq qana!(Kúlásh Ahmetova) Myń aýyz sózden bir qadam iske kóshetin ýaqyt keldi! Syn-saǵatta atqa qonbasań,  keıin erligińniń keregi qalmaıdy. Ne osyndaıda kelip Otanyńa ýyq bol, ne máńgi kelmeı-aq toıǵyzǵan jurttyń topyraǵyna sińersiń... “Jaý ketken soń qylyshty boqqa shappaımyn!” degen qazaq búginnen bastap elge tartsyn.Kelsin de qazaqtyń bir-bir qyzyn jar etip, azamattyqty tez alsyn.  Esh kedergi joq!

Serik Murathan