Qazaqstanǵa kerek qazaq Qasymovqa kerek emes eken

Qazaqstan táýelsizdigimen qatar bastalǵan "Qazaq kóshine" sońǵy jyldary qara bult úıirilgeni týraly myń san ret aıtyldy, jazyldy desek artyq emes. "Eshteńden" beıhabar sheneýnikterge mundaı qıturqylyqtyń Elbasynyń saıasatyna qarsy shyǵý ekenin de emeýrinmen jetkizip kórdik. Joq, esh selt etpedi. Esesine Qazaqstanǵa qazaqty keltirmeýdiń amal-aılasyn kún sanap arttyryp baǵýda.  Ahmetov úkimeti Másimovten kem emes ekenin dáleldep, "Uly kóshke" tusaý salyp otyr. Mine Ishki ister mınıstri Qasymov myrza da qalys qalmapty. "Abaı" portalynda jarııalanǵan suraqqa baılanysty "joq, bolmaıdy" dep jaýap qatypty. Oqyńyz... 

Qurmetti Qasymov Q.N. myrza!

Qazaqstan Respýblıkasy Úkimetiniń 2009 jylǵy 14 jeltoqsandaǵy №2102 Qaýlysymen bekitilgen "Sheteldikter men azamattyǵy joq adamdardy tirkeý jáne olarǵa Qazaqstan Respýblıkasynda turaqty turýǵa ruqsat berý boıynsha memlekettik qyzmet standartyna 2012 - jyly 28 - naýyryzda ózgertýler men tolyqtyrýlar engizip, QR Úkimetiniń № 362 Qaýlysymen bekitkende, osy Standarttyń 11- babynyń 2- tarmaǵyna engizilgen: "QR-da ózge de zańdy negizde ýaqytsha bolatyn adamdar: kelgen elinde sottylyǵynyń bar bolýyn ne joqtyǵyn rastaıtyn qujatty; ketý paraǵy ne shetelge turaqty turý úshin shyǵýǵa ruqsatty rastaıtyn basqa qujat retinde bolýy múmkin sheteldiktiń azamattyǵyna ıe memleketiniń jazbasha kelisimin usynady delingen ózgertýlerde óz qandastarymyzdyń múdesi múlde eskerilmegen (http://adilet.zan.kz/kaz/docs/P090002102_#z0). Cebebi bul anyqtamalardyń Qytaıda múlde berilmeıtinin biz myna jerde (http://abai.kz/node/41201) aıtqamyz.Qysqasy, K.Másimov Qaýlysynyń (28.03.2012, №362) shartyna saı, Elshilikter kelisim bermese, qazaqtardy budan bylaıǵy jerde turaqty tirkeýge turǵyzyp, tarıhı Otanynda qaldyrýǵa Qazaqstan Úkimetiniń qaýqary joq. Sodyqtan, О́zińizdiń quziretińizdi paıdalana otyryp, tez z arada qandastarymyzǵa Qytaı Elshiligi beretin ana basy artyq "SPRAVKA - nyń kúshin birden joıýǵa, "Sheteldikter men azamattyǵy joq adamdardy tirkeý jáne olarǵa Qazaqstan Respýblıkasynda turaqty turýǵa ruqsat berý boıynsha memlekettik qyzmet standartyn eń aldymen qandastaryńyzdyń turaqty tirkeýge turýyna tıimdi etip jańa Qaýly shyǵarýǵa úkimetke usynys engizýińizdi suraımyz.!

Qurmetpen,

Qandastaryńyz atynan Ahmetuly Beısen,

www.abai.kz ulttyq portaly jáne Qazaqııa aptalyq gazeti.

Qasymov Q.N myrzanyń jaýaby

Kasymov K.N. ChETVERG, 13 MARTA 2014

"Halyqtyń kóshi-qony týraly Qazaqstan Respýblıkasy Zańynyń 49-babyna sáıkes zańsyz kelgen, sondaı-aq qylmys jasaǵany úshin ózderi shyqqan elderdiń zańnamasy boıynsha qýdalaýǵa ushyraǵan kóship kelýshilerge Qazaqstan Respýblıkasynda turaqty turýǵa ruqsat berýden bas tartylady jáne buryn berilgen ruqsattyń kúshi joıylady.

Zańnyń osy normasy izdestirýde júrgen adamdardyń, qylmyskerlerdiń, sondaı-aq ekstremıstik baǵyttaǵy sheteldikterdiń Qazaqstan Respýblıkasynyń aýmaǵyna ený oqıǵalaryn boldyrmaý maqsatynda qabyldanyp, kórsetilgen qujattar Qazaqstan Respýblıkasynda turaqty turýǵa arnalǵan ruqsattardy alý týraly ótinish bildirgen kezdegi mindetti qujattar tizbesine engizildi.

Joǵaryda baıandalǵannyń negizinde azamattyq tıesiligi jáne (nemese) turaqty turatyn memlektinde sottylyǵy (sottylyǵynyń joq ekeni) týraly qujatty Qazaqstan Respýblıkasynda turaqty turýǵaqaldyrý týraly ótinish bildirgen kezdegi qujattar tizbesinen alyp tastaý maqsatqa saı emes dep uıǵaramyz.

Suraý men jaýapty myna jerden kóre alasyzdar: http://blogs.egov.kz/ru/blogs/kassymov_k/questions/252777