Jumash Kenebaı. Bas qalany qazaqtardan tazartpaq pa?

8-naýryz Halyqaralyq áıelder kúni qarsańynda osy aty joq qala basshylyǵynyń Qazaq Arýlaryn jan túrshigerlik, asqan qatigezdikpen quttyqtaǵanynyń kýási boldyq! «06.03.2014 Narazylyq sharasyna shyqqany úshin Esil aýdandyq polısııa bólimine aparylǵan azamattar - Astanadaǵy "Mahabbat" turǵyn úı kesheniniń turǵyndary (aralarynda balalar da bar) birer saǵattan soń bosatyldy», dep habarlady «Azattyq» radıosy. Iá, Arqadaǵy kóktemgi qara sýyqta onsyz da óz jerlerinde ógeı balanyń kúıin keship, ábden teperish kórip, qorlanǵannan janarlary muńǵa toly qara kóz Qazaq Arýlaryn shashynan súıregendeı bolyp, olardyń kishkentaı búldirshinderine deıin shyryldatyp, súırelep, baqyrtyp, keýdelerinen ıterip, polısııa kólikterine zorlap tıep alyp ketip jatqanyn álemniń biraz aqparat quraldary jarysa kórsetip jatty. Búginde álem nazaryn ózine aýdaryp otyrǵan Ýkraınada da mundaı adam jany túrshigetin qatygezdik bolǵan emes. Tipti, jurttyń bári shoshıtyn "orekeńderdiń" ózi ýkraın arýlaryn shashynan súırep, ólimshi etip sabap, balalaryn dál myna bizdegi dinsiz, tilsiz, teksiz orysqul bıliktiń ókilderindeı shyryldatyp, súırelep, tepkilep qamaǵan emes! Bul ne sumdyq! Aı men kúnniń amanynda, myna ózderi janyndaı jaqsy kóretin Segizinshi "mart" (ádeıi oryssha alyp otyrmyn) Halyqaralyq áıelder kúni qarsańynda, ásirese Qazaq Áıelderine sonshalyqty qatigezdik tanytatyndaı, ol qanypezer polıseılerdi ana tappaǵan ba ózi? Solardyń ózderinde jar, bala-shaǵa joq pa eken? Myna Qazaq Arýlaryna asqan jaýyzdyq kórsetken sol polıseıler, aty joq qalanyń Imanǵalı Tasmaǵambetov bastaǵan basshylyǵy, Aqordasy, Úkimeti, parlamenti Qazaqtan sonshama nege bezedi? Ol qaladaǵy "shash al dese, bas alatyn" polıseılerdiń barlyǵy derlik ózimizdiń qazaqtar bola turyp, óz ultynyń arýlaryna osynshama óshpendilik tanytqandaryna óz basym túsinbedim. Bular álde Qazaq emes pe nemese ózge tilde, ózge dinde, ózge ortada tárbıe alǵan máńgúrtter me? Bul jaýyzdar nege óz ultyna sonshama óshigedi? Besikten beli shyqpaǵan kishkentaı qazaq búldirshinderin nege zar ıeletip, tepkilegendeı bolyp, súıreledi? Ol Qazaq búldirshinderiniń ne jazyǵy bar? Sol  búlbirshinderdiń botalaǵan kózderi, oıbalap jylaǵandary, AqOrdaǵa kektene qaraǵandary neni kórsetedi? Biz, Qazaqtar, nege óz bolashaqtarymyzdyń jas tamyryna kóktemeı jatyp, balta shapqymyz keldi? Osy sábıler myna polıseılerdiń sol qatigezdikterin ólse umytpaıdy. Erteń osy sábıler qaraqshylyq pıǵyl tanytqandardan zar ılegen analary úshin, jazyqsyz japa shekken ózderi úshin qalaı da kek alatyn bolady. Kógildir kóktemniń qarsańynda onsyz da aty «Mahabbat» degen turǵynúıdiń bolashaq turǵyndaryn olar Qazaq bolǵany úshin ǵana osynshama qatigezdik tanytatyn myna bizdiń orysqul bılikke ol qarakóz Qazaq Arýlary, olardyń jas sábıleri soqqy aldy. Eger ras bolsa, Qazaqtyń astanasy Qazaqqa buıyrmaıtyn bolǵany ma? О́tken  jyly Almaty qalasy túbindegi tek Qazaqtar ǵana turatyn «Shańyraqty» qıratqan, býldezermen qazaq besikterine deıin taptatqan, sol qazaq besigin qorǵamaq bolǵan Aron Atabekterdi uzaq merzimge sottatyp tynǵan, qazaqtyń jalpaq tilimen aıtqanda, Qazaqtyń Qara shańyraǵyn áp-sátte ortasyna túsirgen Imanǵalı Tasmaǵambetov endi qazaqtyń qasıetti Arqasynan oryn tepken osy bir aty joq qalany Qazaqtardan tazartpaq pa? Sonda bul qala qaı ult úshin salynyp jatyr?.. Myna bılik erekshe atap ótkendi jandarynan beter jaqsy kóretin, olardyń ózderi áli kúnge «8-Mart Halyqaralyq Áıelder kúni» sanaıtyn kóktem merekesinde Qazaq Arýlaryn osylaısha quttyqtaǵandary ma, bul!

Jumash KО́KBО́RI,