Bir otbasyn qyryp salǵandardyń jazasy «jeńildetilgen» joq

2013 jyly 11 maýsymda Almaty qalasynyń turǵyny, Qytaıdan kelgen qandasymyz Erjannyń otbasy oryny tolmas qazaǵa ushyraǵan edi. Erjannyń úıinde joqtyǵyn paıdalanyp, onyń jaqyn aǵaıyny 19 jastaǵy Elmurat Sheshenqululy men jary Nurgúl Menesbaevany(júkti) óltirgen qanisherler dalada oınap júrgen 7 jastaǵy Sylamnur men 3 jastaǵy Syrmuhammetti úıge shaqyryp, tunshyqtyryp óltirgen.

Ertesinde-aq qolǵa túsken qylmyskerler –  О́zbekstannan kelgen eńbek mıgranty Ihbol Turdıev jáne Taldyqorǵandyq Erlan Mamreev pen Baqytjan Muqajanovtar bolatyn.

5 aı boıy júrgizilgen tergeý-tekserý amaldarynyń nátıjesinde Almaty qalasy qylmystyq ister boıynsha arnaıylandyrylǵan aýdanaralyq sottyń tóraǵasy Bulytbaı Mamytbekov qanisherlerdi ómir boıy qamaq jazasyna kesken. Olardyń múlikteri tárkilenip, ózderi qatań rejımdegi kolonııaǵa jabylatyn bolǵan.

Sottyń bul sheshimi «kóńilinen» shyqpaǵan qylmyskerler Almaty qalalyq sotyna appelesııalyq shaǵym túsirip, jazasyn jeńildetýdi suraǵan. Iаǵnı júkti anany, eki sábıdi, bir azamatty, jalpy 5 jan ıesiniń qanyna ortaq bolǵan olar óz qylmystaryn «aýyr emes» dep sanaǵan kórinedi.  Ásirese Baqytjan Muqajanov tipti óz basyn arashalaǵysy kelipti.

Bul jaǵdaıdan keıin Erjan Satybaldy myrza redaksııamyzǵa kelip, mundaı bassyzdyqqa tóze almaıtyndyǵyn aıtyp edi. Onyń aıtýynsha, olardyń sotqa qaıta aryz berýi qylmyskerlerdiń adamdyqtan shyǵyp ketkendigi, arsyzdyqtyń eń shyńyna jetkendigin kórsetedi. Áıtpese qyrshyndaı sábıdi, júkti anany, jas azamatty esh oılanbastan qyryp salǵandar qandaı keshirim kútpek. «Átteń, olarǵa tek ólim jazasy laıyq edi», – degen edi ol.

Erjan myrza jańa ǵana habarlasyp, alǵashqy sot sheshiminiń ózgerissiz qalǵanyn aıtti.

Shyndyǵyna kelsek, búkil Qazaq elin qara jamyldyrǵan qanisherlerga –  ómir boıǵy qamaq emes, ólim jazasy laıyq edi.