Qazaqstan búginnen bastap Reseı bodany bolǵany ma?

   Sońǵy jańalyqtarǵa  qaraǵanda, Reseıdiń áskerı polısııasy táýelsiz Qazaqstan memleketinde jasaqtalyp  jatyr. Máselen, 05 naýryz  kúni  AZATTYQ radıosy tómendegi aqparatty jarııalady: «Reseıdiń Qazaqstandaǵy áskerı bólimderinde áskerı polısııa bólimsheleri qurylyp jatyr dep habarlaıdy búgin Reseı qorǵanys kúshteri Ortalyq áskerı okrýginiń baspasóz qyzmeti».

     Ýkraınadaǵy jaǵdaı  kórdik. Qyrymdaǵy Reseı áreketi aqylǵa qonymsyz, al, endi keshe ǵana Qazaqstan jerindegi Saryshaǵanda áskerı polıgonda Reseı zymyranyn synady, Shyǵys Qazaqstan oblysyndaǵy orys kazaktarynyń atqa minýi, bizdiń memleket basshysynyń shuǵyl túrde Máskeýge baryp, «Eýroazııalyq odaq» degen "mıfti" shyndyqqa aınaldyrýǵa jantalasa kirisýi - osynyń bári óńimiz be, túsimiz be?.. Reseı endi kelip, Qazaq jerinen uzaq jylǵa jalǵan alǵan ózderiniń áskerı polıgondaryna áskerı polısııa quryp, olardy arnaıy áskerı jabdyqtarmen, saýyt keýdeshemen, travmatıkalyq tapanshamen, rezeńke taıaqtarmen, kisendermen jabdyqtap jatqany týraly AZATTYQ radıosy habarlap otyr. Sonda, Reseıdiń áskerı polısııasy Qazaqstan halqymen kúrespegen de, aıdaladaǵy Ýkraına azatkerlerimen emes, AQSh, Batys elderimen munda qalaı kúrespek? Sonda Qazaqstan búginnen bastap qaıtadan Reseı bodany bolǵany ma? Orys Qazaqstan sııaqty táýelsiz memleketke ózderiniń áskerı polısııasyn nege qurady? Myna onsyz da teksiz, qul-qutan orysqul bıliktegilerimiz - kúlbiltelemeı, jasyryp, jappaı, osy qazir Qazaqtyń "óti jarylyp" ketse de, nege ashy shyndyqty betine jaıyp salmaıdy? Sonymen, Qazaqstan táýelsizdiginen aırylyp, qaıtadan Reseı otary boldy ma, joq pa?..

Jumash KО́KBО́RI