Syrtqy saıası vedomstvolardyń basshylary elder arasyndaǵy energetıkalyq qaýipsizdik, mańyzdy mıneraldar, klımat, bitimgershilik jáne t.b. salalardaǵy yntymaqtastyqqa joǵary baǵa berdi.

AQSh Memlekettik hatshysy QR Prezıdenti Qasym-Jomart Toqaevtyń túbegeıli ózgerister baǵdarlamasynyń dáıekti jáne júıeli sıpatyn quptap, Vashıngtonnyń olardy praktıkalyq iske asyrýǵa jan-jaqty járdem kórsetýdi jalǵastyrýǵa daıyndyǵyn atap ótti. Entonı Blınken «Amerıka Qurama Shtattary Qazaqstannyń kóptegen jahandyq máselelerdegi shynaıy kóshbasshylyǵyn moıyndaıdy» dedi.

Sonymen birge, taraptar «C5+1» dıalogyn keńeıtý jáne ótken jyldyń qyrkúıek aıynda Nıý-Iork qalasynda ótken osy formattaǵy alǵashqy sammıttiń ýaǵdalastyqtaryn iske asyrý máselelerin talqylady.

Kezdesý sońynda taraptar ekijaqty kún tártibindegi barlyq ózekti máseleler boıynsha dıalogty jalǵastyrýǵa kelisti.