Tórt tonna nasybaı joıyldy

Osy oraıda, Astanada zııandy qaldyqtardy joıý jónindegi mamandandyrylǵan mashınada buryn tárkilengen 4 tonna nasybaı joıyldy. Aksııany elorda ákimdigi men jergilikti polısııa departamenti birlesip uıymdastyrdy.

18 naýryzdan bastap elordada shegilmeıtin temeki ónimderin tárkileý jónindegi ýákiletti organdar birlesip, arnaıy reıdter júrgizýde. Nátıjesinde, quny 20 mln teńgeden asatyn 4 tonna nasybaı tárkilerdi.

Aksııany Astana qalasynyń ákimdigi men elordalyq polısııa departamenti jeke seriktes – «Green economy» Eýropalyq-Azııalyq qaýymdastyǵynyń ZTB «Kazecotech» JShS-niń kómegimen uıymdastyrdy.

— Bul aksııanyń negizgi mıssııasy — jastardyń mundaı zattardy tutynýyna tosqaýyl qoıý. Jaqynda Ulttyq quryltaı ótkenin bárimiz bilemiz, onyń aıasynda Memleket basshysy birqatar ózekti máseleni, sonyń ishinde shegilmeıtin temeki ónimderin, veıpterdi, sıntetıkalyq esirtkilerdiń qoǵam dertine aınalǵanyn atap ótti. Búginde bul másele ásirese jastar arasynda óte ózekti ekenin estip te, kórip te júrmiz. Sebebi bul veıppterdi negizinen 25 jasqa deıingi jasóspirimder men jastar paıdalanady. Biz úshin bul túıtkildiń túıinin tarqatý óte mańyzdy. Sondaı-aq, bul aksııaǵa turǵyndardy beı-jaı qaramaýǵa shaqyramyz, — deıdi Astana qalasy máslıhatynyń depýtaty, «Amanat» partııasynyń «Jastar Rýhy jastar qanatynyń tóraǵasy Maǵzum Arslanbek te aıtyp berdi.