01 Naýryz, 2024 Batys Qazaqstan oblysy
Múlik talasy: BQO-da bir áıel kúıeýin óltirý úshin kıller jaldaǵan
Ajyraspaq oıy bar áıel múlkin bóliskisi kelmegen. Sondyqtan erinen qutylýdyń jolyn izdestirgen onyń tańdaýy jaldamaly kıllerge túsken. Bul arada adam quny 1,3 mln teńgege baǵalanǵan.
polisia.kz
Elimizdiń batys óńirinde júrgizilgen jedel is-sharalar barysynda polısııa tapsyryspen kisi óltirý qylmysynyń aldyn aldy, dep habarlaıdy Qamshy.kz.
Qylmysty uıymdastyrdy degen kúdikpen BQO-nyń eki turǵyny ustaldy.
"Kúdiktilerden olardyń kinásin rastaıtyn zattaı dáleldemeler tárkilendi. Tergeý málimetteri boıynsha, qarýdy satyp alý jáne kisi óltirýdi oryndaý úshin tapsyrys berýshi uıymdastyrýshyǵa 1,3 mln teńge bergen. Kúdiktiler ustaldy, sottyń sanksııasymen olarǵa qatysty “qamaýda ustaý” bultartpaý sharasy tańdaldy. Qylmystyq is kisi óltirýge oqtalý faktisi boıynsha tergelip jatyr", deıdi BQO PD baspasóz qyzmeti.
Kúdiktiler 20 jylǵa deıin bas bostandyǵynan aıyrylýy múmkin. Qazir jábirlenýshiniń ómirine eshqandaı qaýip joq. Tergeý múddesi úshin ózge málimetter jarııa etilmeıdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir