13 Aqpan, 2024 Oqıǵalar
Aqmola oblysynda tebindegi jylqylar qyrylyp jatyr
Aqmola oblysynda qysta jaýǵan jaýynnan jazyq daladaǵy jer muz bolyp qatyp qalǵan. Osylaısha óristegi jumyrtuıaqtylar ash qalǵan. Jylqyshylar maldy aýylǵa aıdap keleıin dese, qar qursaýynan ol da múmkin emes.
vıdeodan alyndy
"Qysta jańbyr jaýyp, jer beti toń bolyp qatyp qalǵan. Sonyń saldarynan Birjan sal aýdanynda bir úıirdegi 53 bas jylqy ashtan ólgen. Osyndaı jaǵdaı óńirdegi barlyq eldimekenderde qaıtalanyp jatyr. Bıyl ish tastaǵan mal da kóp. Al Zerendi aýdanyndaǵy Birlestik, Dóńgilaǵash, Qonyspaı aýyldarynyń tórt túligi de shetinen qulap jatyr eken.
Onyń ústine sońǵy kúnderi óńirde boran uıytqyp, qar qalyń túse bastaǵan. Qar qursaýynan shyqqan kúnde de onsyz da ashtan álsiregen maldyń ombylap aýylǵa jetýi ekitalaı. Sondyqtan jylqyshylar ortalyqtan qar tazalaıtyn aýyr tehnıka jáne ýaqytsha áldenip alǵanǵa jem-shóp suraıdy. Alaıda aýdan bıligi ashtan qyrylyp jatqan malǵa jem-shóp jetkizýge asyǵar emes deıdi ashýly aýyl halqy", dep habarlaıdy KTK telearnasy.
"Jylqylar qulap jatyr. Jaǵdaı óte qıyn bolyp tur. Úkimetten eshqandaı shara joq. Búkil jylqyshylardyń janaıqaıy bul. Aıǵaıyn, Kómek suraımyz!", deıdi jylqyshy Temirbek Ǵalymov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir