Jurt ne dese o desin...

Ár adamdardyń óz ómiri, otbasy, jumysy men ortasy bar. Báz-bireý bárin qosa alyp júre almaıdy. Ondaı adam – siz bolýyńyz da múmkin.

Bálkim, buǵan yntańyz ben ómirge degen qulshynysyńyzdyń azdyǵy kedergi shyǵar?

Kedeılik – aıyptaýdan bastalady. Kópshilik ómirindegi sátsizdikteri men aqshadan qınalýyna óz ortasyn aıyptaýǵa daıyn turady. Odan qaldy, úkimetti kinálaıdy.

Árıne, eldiń saıası júıesi men ekonomıkalyq modeli kedeılikke sebep ekenin jasyra almaımyz.

Desek te, eń aldymen adam ózi úshin jaýapty bola bilýi kerek. "Men kedeımin, oǵan anaý kináli, mynaý kináli, Nazarbaev kináli" deseńiz de, eshteńe ózgermeıdi.

Kedeı adam qaıtedi?

Kóp uıyqtaıdy.

Ýaqytty sozyp júre beredi. Erteńi bitpeı.

Erinshektikke qumar.

Tilenshilik. Aldynan ótken, kishkene kómegi tıgen adamnan dámelene beredi.

Táýekelden qorqady. Qudaı táýekelshil adamdardy jaqsy kóredi.

Kedeı adam arzan dúnıe men ońaı keletin aqshaǵa qumar keledi. Ol bir bıznesti bastaý úshin úlken qarajat salýdan qorqady. Tegin dúnıeniń quny bolmaıdy, degendi umytady, ne bilmeıdi. Uly ekonomıster "Ár nárseniń aqysy bar, ol eger tólenbese, ekonomıka men adam energetıkasynyń teńgerimi buzylady" deıdi. Al endi "tegin bolsa shegeni jut" degen qısyq maǵynadaǵy sózder – adamnyń psıhologııasyn buzatyn qate sóz.

Jurttyń sózine qarap ómir súrý de kedeıliktiń joly. "Jurt ne deıdi eken" dep ómir súrmeńiz. Ár adamnyń ómiri – ózine. О́sek – óte jaman ádetterdiń biri. Sizge de jurttyń ómiri qyzyq bolmasyn.

Abaıqyzy Anelı