Búgingi kúnde erli-zaıyptylar bir-birin ózine tán erekshelikterimen qabyldaı almaǵany úshin januıa renishke toly "shaıqas alańyna" aınalýda. Jubaılar bir-birin ózgertýge, ózine tán erekshelikterinen basqa xalge aınaldyrýǵa tyrysyp, "shaıqasyp" júrgen kezinde qamshynyń sabyndaı qysqa ómir zýyldap ótip jatady. Eger artyńa qaraýǵa mursha taýyp qaraı alsań, artyńnan tek qana renishke toly jyldar men renjigen adamdardy qaldyrǵanyńdy baıqaısyń.
Eger áıel erdiń aldyn orap, erdiń fýnksııalaryn atqarýǵa bastasa, er adam belsendilik qaýqarynan aıryla bastaıdy. Er adam belsendiligin joǵaltar bolsa, áıel agressıfti bolady. Al, eger er adam agressıfti bolyp, ashýshańdyqqa salynsa, áıel zaty sharasyz kúı keshedi. Áıel sharasyzdyqqa tússe, eki ortada balalar ezilip, óz ákelerinen zulymdyq kóredi. Sondyqtan da, jubaılar óz qarym-qatynasynda óz oryndaryn bilip, orta joldy tabýy tıis.
Bir sát bolsa da baqyttyń eń basty negizi "shartsyz qurmet" pen "ár adamdy sol kúıinde qabyldaı alý" ekenin umytpaǵanymyz jón!
Sonymen qatar, adam ózine kórsetilgen qysym men qınaýlar arqyly jaqsy adam bolmaıdy, ózi jaqsy adam bolýǵa sheshim qabyldaý arqyly jaqsy adamǵa aınalady.
Dál sol sekildi, jazamen qorqytyp nemese syılyqpen qyzyqtyrý arqyly "jaqsy minez-qulyqqa ıe bolǵan" balany tárbıeli bala deýge bolmaıdy. Tárbıeli bala dep bir árekettiń qate ekenin túsinip, sol áreketten bas tarta alatyn erik kúshine ıe balany ataýǵa bolady.
Qorytyp aıtar bolsaq, baqytty otbasynyń negizin otbasy músheleri bir-birin eń birinshi adam bolǵany úshin syılap, bir-birin aýystyrýǵa kúsh jumsaǵansha, olardy sol kúıinde jaqsy kórýge kúsh jumsaý arqyly qalaı alady.
Eljas Ertaıuly
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir