BJZQ-dan tólenetin zeınetaqy tólemderi tabys salyǵynan bosatylady

Premer-Mınıstr Oljas Bektenov senat saýalynda osyndaı málimdeme jasady. 

Búginde Salyq kodeksinde Biryńǵaı zeınetaqy qorynan tólenetin zeınetaqy tólemderine kiris dep tanýmen 10% jeke tabys salyǵy (JTS) salynady. Úkimet máseleniń áleýmettik mańyzdylyǵyn eskere otyryp, bul tólemderdi jeke tabys salyǵynan bosatý arqyly tásildemeni ózgertý týraly sheshim qabyldady.

“Máseleniń áleýmettik mańyzdylyǵyn, sondaı-aq shegerimder men jeńildikter boıynsha halyqaralyq tájirıbeni eskere otyryp, Biryńǵaı zeınetaqy qorynan tólenetin zeınetaqy tólemderin jeke tabys salyǵyn tóleýden bosatý usynylady. Jeke tabys salyǵy boıynsha shyǵyn kólemi 4,1 mıllıard teńgege teń”, – deıdi Oljas Bektenov.

Jeńildikpen tek Qazaqstanda turatyn alýshylarǵa qoldana alady. Shetelge shyǵatyn azamattar men Biryńǵaı zeınetaqy qorynyń muragerleri jeke tabys salyǵyn tóleıdi.

Depýtattar da Biryńǵaı zeınetaqy jınaqtaý qorynan tólenetin zeınetaqy jáne áleýmettik tólemder turǵyn úı jaǵdaıyn jaqsartý nemese emdelýge aqy tóleý úshin birjolǵy zeınetaqy tólemderinen týyndaıtyn jeke tabys salyǵyn esepke ala otyryp túzetilýi tıis dep sanaıdy. Olardyń aıtýynsha, bul zeınetaqynyń eń tómengi deńgeıge deıin qysqarýyna ákelip soǵady. Sáıkesinshe, bul áleýmettik narazylyq týdyrýy múmkin.