Elimizde et baǵasy qymbattaıdy

   Elimizde et baǵasy qymbattap, bazarda bir kelisi jeti dollardan, ıaǵnı 2300 teńgeden satylýy múmkin. Qytaıǵa et eksporty bastalsa, baǵa ósedi degen aqparatty búgin Aýyl sharýashylyǵy mınıstrligi de rastady.

  Al Úkimet eń ótimdi sıyr etin elimizdiń 9 oblysynan Qytaıǵa jiberýge saqadaı saı otyr.

Jylyna Reseıge 60 myń tonna et eksporttamaq bolǵan elimiz, endi Qytaıǵa bet buryp, olarǵa 50 myń tonna satýdy josparlap jatyr, dep habarlaıdy Qamshy aqparattyq agenttigi  zakon.kz-ke silteme berip. 

 

     Etti eksporttaýdy uzaq jyldar josparlaǵan Úkimettiń úmiti jaqyn kúnderi aqtalatyn sııaqty. Búgin premerdiń aldynda baıandama jasaǵan Aýyl sharýashylyq vıse-mınıstri Qaırat Aıtýǵanov tońazytylǵan sıyr etin Qytaıǵa jiberýge kedergilerdiń joıylǵanyn jetkizdi.

   Iаǵnı, elimizdiń 9 oblysynan mal sharýashylyǵy ónimderine aýsylǵa qatysty shekteý alynyp, 5 óńirde vaksınasııalaý júrgizilýde. Endi eki el arasyndaǵy kelisim aıaqtalsa, jylyna elimizden 50 myń tonna sıyr eti Qytaıǵa jóneltile bastaıdy...

 

Osy aqparatty aýyl sharýashylyǵy vıse-mınıstriniń ózi rastady. "Jeti dollar degen aqparatty men de estidim. Ol ishki naryqtaǵy, bólshek saýdadaǵy baǵa bolýy múmkin. Ondaı kóterińki baǵa bolsa, taýar óndirýshiler qýanady"-deıdi QR Aýyl sharýashylyǵy vıse-mınıstri Tóleýtaı Raqymbekov.

 

   Baǵanyń qymbattaıtynyna sharýa qojalyqtary qýanǵanymen, satýshylar qýanyp turǵan joq. Qazirdiń ózinde bazarda qymbatshylyq, maldyń quny aspandap tur. Al, eksportqa shyǵarsaq ishki naryqta jetispeýshilik bolyp, et sharyqtap ketedi dep qaýiptenedi...

 

Al, Qytaıǵa et qandaı baǵamen eksporttalatyny da ázirge belgisiz. Sheneýnikter ónimniń quny eki jaqtyń kelisimine baılanysty bolmaq dep otyr. Jáne etti tekseretin zerthana, jetkizetin kólik shyǵyny men qosalqy salyǵy da esepke alynýy tıis.