Prodıýserine qarap qyzyn al. «Kesh Iý-diń» taǵy bir qyzy shalys basty

Búgingi qoǵamnyń kelbetine qaraısyń da, kúrsinesiń. Bári halyqtyń kóz aldynda, ap-anyq, aıqyn bolyp jatqan dúnıeler. Teledıdardy qosasyń, yzadan óshirmeske amal qalmaıdy, ǵalamtorǵa kiresiń, taǵy ashýǵa býlyǵasyń, kóshege shyǵasyń, kózińdi jumyp qana júrgiń keledi.

Munyń bárin nege aıtyp otyrmyn deısizder ǵoı? Elimizde qandaı másele, qandaı qıyndyq týsa da, báriniń aýzynda tek shoý-bıznes ókilderi. Solardyń ómiri qyzyq, solardyń ómiri aıtýǵa turarlyq, tipti úlgi alarlyq. Al úlgi alarlyq adamdar kóńil qynjyltatyn dúnıege baryp tursa, ne deımiz? Báleniń bári sol baıaǵy batystan bastalǵan. Shet el ánshileri ajyrasypty, tatýlasypty, áıelin tastap ketipti, balaly erkekke turmysqa shyǵyp alypty dep tańqalyp, bir-birimizge kádimgi jańalyq etip jetkizetin edik. Solardyń ómiri qurysyn, bizdiń qazaq úlgi almasyn dep ata-ájelerimiz aıtatyn. Bala kezimizde teledıdar kórýge ruqsat etpegen ǵoı, shirkin. Al telefon degen dúnıe atymen bolmaǵan. Ne kerek? Ájelerimizdiń qorqynyshy shyndyqqa aınaldy. Batystaǵy qoǵam beınesi elimizge kelip úlgerdi.

Oǵan mysaldar da kóp. Mádenıet ortasy – sahna tórindegi tulǵalarymyz nebir sumdyqtarǵa baryp jatqanda, biz nege únsiz qalamyz? Barsha jurttyń kóz aldynda júrgen tanymal tulǵalar qarapaıym halyqqa úlgi bolýdyń ornyna, ózderi uıat sanalatyn dúnıelerge baryp júr emes pe? Jas jetkinshekterimizdiń báriniń qoldarynda bir-bir smartfonnan bar, bári ǵalamtor paıdalana alady. Qansha jerden tárbıeniń bastaýy – otbasy bolsa da, ósip kele jatqan qyz bala qashan da aınaladan kórgenin isteıdi.

Máseleniń basyn atyshýly Baıan hanymnan bastaýdy jón kórdim. Iá, ol da áıel, qyz ósirip otyrǵan ana, basqalary sekildi et pen súıekten jaratylǵan adam bolǵanymen, halyqtyń aldynda júrgen tanymal tulǵa. Teledıdary bylaı tursyn, bir ınstagram paraqshasyn mılıonnan astam adam oqıdy. Onyń jartydan kóbi qyzdar desem, qatelespegen bolar em. Túsinemiz, óz ómiri bar, jeke sharýasyna aralasýǵa eshkimniń de qaqy joq. Degenmen, qanshama qyzdar ózine «pir» tutyp júrgen qazaq áıeli óz kúıeýin, balalarynyń ákesin tastady da, basqa janǵa, basqadan buryn otbasyly janǵa turmysqa shyqty da, kete bardy. Úlken kisiler sógip, durys emestigin jetkizer, alaıda jas jetkinshektiń ómirine áser etpeı qoımaıdy. Jas jetkinshek bylaı tursyn, «óziniń qyzdary da» dál osyndaı qadamǵa bardy.

Anasyna qarap qyzyn al. Joq, búginginiń maqaly – «Prodıýserine qarap qyzyn al» bolyp ketken sekildi. Elge tanymal prodıýser, qanshama qyzdardyń baǵyn jaǵyp, el súıiktisine aınaldyrǵan Baıan Maqsatqyzynyń esimi búgingi qoǵamda órship tur. О́zi ǵana otbasyly adamǵa shyǵyp qoımaı, prodıýserligindegi qyzdary da dál sony qaıtalapty. "Kesh Iý" tobynyń belgili ánshisi Aqbota Seıtmaǵanbettiń ómiri bárine málim. «Glamur dlıa dýr» kınofılminen keıin ózimen birge basty róldi somadaǵan Dáýren Aıdarqulovpen sózi jarasyp, bas qospaq. Al belgili akter úılengen, ári balaly-shaǵaly bolyp shyqty. Endi qaıtpek, jas, ári sulý qyz úshin áıelin tastap, jańa ómir bastamaq. Aqbotanyń ómiri áli kúnge deıin qyzý talqyǵa túsip jatyr. Bul isin synap, durys emeske balap, tipti jas ánshiden qalyń jurt bas tartty.

Endigi kezek sol "Kesh Iý" tobynyń taǵy bir ánshisine kelip jetipti. Baıan Maqsatqyzynyń qataryna Juldyz О́mirǵalı qosyldy. Ǵalamtordaǵy derekterge, ýatsapta jarysa taralyp jatqan vıdeolarǵa súıensek, Juldyz О́mirǵalı belgili ánshi, halyqtyń súıiktisi Aıqyn Tólepbergenmen bas qosty. Alǵashynda, jaı vıdeodan kórip, biz de senbedik. Qansha jerden aıqyn kórsetilgenimen, ekeýi birge klıpke túsken bolý kerek nemese kınoda birge oınaǵan degen boljamdar jasadyq. Alaıda, bir jaǵdaı osy oqıǵanyń rastyǵyn dáleldep berdi. Aıqyn Almatydaǵy bir bankten depozıt almaq bolyp, qujat rásimdýge kelgen eken. Qandaı da bir dúnıeni áıeliniń atyna aýdarmaq bolǵan. Oǵan kelisken bank qyzmetkeri áıeliniń qujattaryn suraıdy. Eń qyzyǵy sol - qujat "Kesh Iý-diń" ánshisi Juldyz О́mirǵalıǵa tıesili bolyp shyqty. Iаǵnı, Baıan Maqsatqyzynyń kezekti qyzy Juldyz О́mirǵalı da «ekinshi anasynyń» isin qaıtalap tur. Demek otbasyly, balaly adamǵa turmysqa shyqpaq.

Aıta keteıik, osy jyly Kesh Iý jańa qurammen tanystyryldy, al top qúramynda Aqbota Seıtmaǵanbet pen Juldyz О́mirǵalı joq. Aqbotanyń jaǵdaıy túsinikti edi, endigi halyqqa qyzyq bolyp turǵany Juldyzdyń nege ketkeni edi. Sebebi túsinikti boldy.

Al Super Star jobasynan keıin tanymal bolǵan Aıqyn Tólepbergenniń úılengeni bárine málim edi. Eki balasy bar ánshi jaqynda áıelin klıpke de túsirgen. 

О́mirde túrli taǵdyrlar, túrli jaǵdaılar kezdesip jatady. Árkimniń ómirin sóz etip, synǵa alý eshkimge kerek emes. Alaıda sahna – kıeli meken. Al kıeli mekenniń tórinde júrgen ár adam halyqtyń aýzynda. Ony eshkim tııa almaıdy. Muny sahnanyń ár keıipkeri biledi, sony bile tura ashy syndardyń týýyna sebepker bolady. Birinshiden, ár isterin aqylǵa salyp oılansa eken, juldyz retinde de, qarapaıym adam retinde de. Al ómirime eshkim aralaspasyn dese, ony jarııalamasyn, kórsetpesin. Kórgen halyqtyń aýzyn jabý múmkin emes.   

Gúlim JAQAN

,