Esimov Qazaqstan táýelsizdiginen beıhabar

Ahmetjan Esimov Almaty qalasyna ákim bolǵaly jyl saıynǵy esebin túgeldeı orys tilinde ótkizip júr. Asyly, ol kisi Keńes odaǵynyń tarap, Qazaqstannyń táýelsizdik alǵanynan beıhabar bolsa kerek. Biz tómende "Abaı" portalynyń tilshisi tyńdaǵan "esepti" nazarlaryńyzǵa usynyp otyrmyz

Almaty. Respýblıka saraıy. Qala ákimi Esimovtyń esil jurtymen kezdesip esep beretin jıynyna kelip otyrmyn. Úlken zal lyq toly. Biz baspasóz ókilderi bólek otyrmyz. Mańaıymda ázirge qazaq baspasózinen eshkim kórine qoıǵan joq. Azdan soń kelip qalar. Aıtpaqshy, Kýıanov júr. Qoıqań-qoıqań etedi. "Almaty" arnasynyń basshysy Esimovtyń baspasóz qyzmetin de basqaratyn sııaqty. Esimov áli tóbe kórsete qoıǵan joq. Aldyn ala berilip jatqan aqparattarǵa qaraǵanda ótken jyly 420 otbasy páterli bolypty, Almaty 95 paıyz kógildir otynmen qamtamasyz etilipti.

"Jeltoqsan aqıqaty" qozǵalysynyń músheleri ákimniń esep berý jıynyna kire almaı tur. Olardyń ákimge qoıatyn 7 suraǵy bar eken. "Ne qabyldaýyna jete almaımyz, ne halyqpen júzdesýine kire almaımyz. Bul ózi qandaı adam? Esimov memleketttik qyzmetker emes, han sııaqty" deıdi olar.

Ahmettjan keldi, saǵat 9.55.

Ahmetjan Smagýlovıch Esımovke sóz beriledi dedi.

Ary qaraı:

Almaty qalasynyń ákimi Ahmetjan Esimvotyń esebi túgeldeı orys tilinde bolyp jatyr. Eń bastapqy 2 mınýt ýaqyt ta qazaqshaǵa tolyq buıyrmady. Endi Ahańnyń ne aıtyp, ne qoıyp jatqanyn qysqa-qysqa mazmundap kórelik.

Almatydaǵy avtokólikterdi gazben júretin jasaımyz dedi. Bárekeldi!

Osy kúnde metromen kúnine 80 myń adam  júretin bolypty. «Osyny aıtqanymda tek osy salada júrgender ǵana qol soqqan sııaqty, qalǵandaryń qaıda qarap otyrsyńdar» degendeı boldy.

 2013 jyldy keremet etip qortyndyladyq, elimiz elý eldiń qatarynan ozyp endi otyz eldiń qataryna enýdi kózdep otyr.

Sáýir aıynan bastap jalaqy, zeınetaqy, shákirtaqy óstenidigi týraly aıtty. О́tkende Prezıdent úkimettiń jıynynda ne aıtsa, Ahań sony qaıtalaýda.

Aıtpaqshy, nannyń baǵasynda ózgeris bolmaıdy dedi.

2013 jyly jalpy uzynydyǵy 141 km ınjenerlik jelilerdi qaıta jańǵyrtý jumystary júrgizildi, onyń ishinde sý qubyry men káriz jelileri -63 km, elektrmen jabdyqtaý jelileri, - 36 , jylýmen jabdyqtaý jelileri - 21 boldy

Almaty qlasy Qazaqstandaǵy Jalpy ishki ónimniń 18,3 paıyzyna deıin qamtamasyz etip, el qazanysyna membıýdjettiń barlyq kirisiniń 28 paıyzyn beredi. "Almaty - el bıýdjetiniń donory bolyp qala beredi" dep atap ótti ákim.

Ákim osndaı-aq Almatyda demalys oryndarynyń kóbeıip kele jatqanyn, demalýshylardyń da kóbeıe bastaǵanyn aıtty. Medeýge kelip kórińizder, senbi, jeksenbi kúnderi halyq tolyp júredi dedi Ahań.

2014 jyl 2017 jylǵy Ýnıversaadaǵa daıyndyqtyń basy eken.

2016 jyldyń aıǵynda Ýnıversıadaǵa daıyndyq aıaqtalady, "vremenı ochen malo " dedi ákim.

Almatyda byltyr bokstan álem chempıonaty ótti, birneshe óner juldyzdarynyń konsertteri ótti, biz Alamtyny týrısıter kóp keletin qalaǵa aınaldyra beremiz dedi.

Keremet aıtqan sózderiniń biri -  Almaty TMD boıynsha TMD-niń Mádenı astanasy dep tanylypty!

Ekologııa. 36 361 túp jasyl jelek otyrǵyzylǵan. Jalpy qala boıynsha 190 myń sharshy metr jer gúldermen qamtylypty, onyń ishinde bıýdjet qarjy esebinen jalpy kólemi 75 myń sharshy metrden astam jalpy qalalyq aýmaqtaraǵa gúlder, rozarıler, gazondar salynǵan.

Sondaı-aq ol jolkólik apatyn boldyrmaý úshin jol boılaryna sharbaqtar qoıylatynan aıtty.

Almaty qalasynyń densaýlyq saqtaý isine  56, 4 mlrd tenge bólinipti.

Almatydaǵy mektepterdiń kúrdeli jóndeýden ótpegeni joq. Úsh aýysymda oqytatyn mektepti tappaısyz. Byltyr úsh mektep salyndy.

Ol kisi zalda kimderdiń shapalaq soǵyp otyrǵanyn qol soǵystarynan biledi eken. Mine, meniń sózime osy joly muǵalimder men dárigerler qol soqty dedi.

Almatyda 2014 jyl Bilim jyly dep jarııalandy!

Polısııamyz zamanaýı tehnologııamen jumys jasap úırenýi kerek dedi ákim.

Saǵat 11:05-te Esimovtiń esep berý jıyny aıaqtaldy.Súıikti qalamyzdy damyta bereıik, ardaqty aǵaıyn degen sózdi qaǵazǵa qarap áreń oqydy.

                                                                                     Halyq suraǵy, ákim jaýaby

- Janqoja batyr kóshesi jańbyr jaýsa, sýǵa tolyp ketedi. Júrý múmkin emes.Osy kóshe jóndelse eken. Biz sizge senemiz.

– Alataý aýdanynyń da ákimine de senetin shyǵarsyz?

Mánizrov: Shańyraqqa kiretin kóshelerdi jóndep tastadyq.

- Baraholkadaǵy «Jeńis» bazaryn jaýyp tastasaq...

– 17 bazar súrilip tastaldy, onyń 8-iniń elektr jaǵdaıy óte qaýipti.Biraq eshkim bazarsyz qalmaıdy. Barlyǵyńyzǵa jańa jumys orny beriledi.

- Bizde ortalyq sý aǵatyn qubyr joq (Túrkisb aýdanynyń turǵyny). Sonda da  ortalyq qubyrdan sý tutynatyn adamdar sııaqty bizge de sýdyń aqshasy kelip turady. Biz jeke sektormyz. Bul qalaı bolǵany?

– Bulaı bolýy múmkin emes. Ol másele qaralady. Ortalyq kanalızasııadan adamdar baryp máseleniń mán-jaıyn anyqtaıdy.

- Shymbulaqqa shyǵýǵa shyǵý qıyndap ketti. Osyny qalaı retteýge bolady? (qaǵazǵa qaraǵan jigit)

-  Shymbulaqqa shyǵý qıyndap ketti. Mashınalarǵa turaqtar jasaımyz. Halyq qazir Shymbulaqqa kóp baratyn boldy ǵoı...

- Rysqulov-Petrov kóshesinen ótý qıyn. Osy máseleni sheship berińizshi. Joldy keńeıtetiz be, álde ne isteısiz?

Esimov máslıhat hatshysyna qarap ne deıdi dep surap aldy da:

- Á, ol bizdiń josparymyzda bar, ol jerge úlken jol aıryǵy salynady.

P.S.: Tańerteń ákimge  qarsy bolǵan úsh  blogerdi ustap alyp ketkenin  jazǵan bolatynbyz. Múmkin, kezdesýge  taǵy  da  "shaqyrtýsyz" kele me  degen kúdik bolsa  kerek...