Toqaev aqbókenderdi atýǵa tyıym saldy

Prezıdent Qostanaı oblysynyń Qostanaı aýdanynyń turǵyndarymen kezdesken kezinde sý tasqynynyń zardaptaryn joıýǵa jedel kómek kórsetilip, qutqarý jumystarynyń ýaqytyly júrgizilgeni úshin alǵystaryn bildirdi. 

Sonymen qatar osy kezdesýde kıikterdi atýǵa tyıym salynatynyn aıtty.

«Prezıdent qazaq dalasynyń sımvoly sanalatyn aqbókenderdiń kóbeıýine tosqaýyl qoıatyn sheshimniń kúshin joıyp, oǵan tyıym salynatynyn málimdedi»,– delingen Aqordanyń habarlamasynda.

Sondaı-aq ol Toqaev kelesi jyly Alash ardaqtysy Mirjaqyp Dýlatovtyń 140 jyldyǵyna arnalǵan is-sharaǵa qatysý úshin Arqalyq qalasyna barýdy josparlap otyrǵanyn jetkizgen.

Aıta keteıik, kıik atýǵa byltyr ruqsat etilip, sosyn 10 aqpanda tyıym salynǵan edi. Alaıda bıyl kúzde Qazaqstanda kıik atýǵa qaıta ruqsat etilýi múmkin ekeni aıtylyp júrgen.