• USD 468.56

  • EUR 497.56

  • RUB 7.3

  • CNY 67.18

24 Sáýir, 22:44:12
Almaty
+35°
Mańǵystaý oblysy Jetibaı kentindegi jaǵdaı jıryǵyp tur.  QazMunaıGazdyń dereginshe, munaıshylardyń 75 kúnnen beri ereýildetip, jumysqa shyqpaýynan ulttyq kompanııaǵa 1 mlrd 320 mln teńge shyǵyn kelgen. Onyń ishinde ereýilshiler isteıtin West Oil Software kompanııasyna 900 mln teńge shyǵyn kelgen. Kompanııa basshylyǵy qyzmetkerleri 24 aqpanǵa deıin jumysqa shyqpasa, aradaǵy eńbek kelisimshartyn úzip, ornyna jumyssyz júrgen Qaraqııa men Mańǵystaý oblysyndaǵy basqa aýdandardyń turǵyndaryn alý jaıly talap qoıyp otyr.

Halyq-uni.kz saıtynyń jazýynsha, kompanııa talabynan keıin ereýilgen shyqqan 94 azamat jumysyna qaıta oralǵan.

Sondaı-aq aqparat quraly «Westoil Software» JShS-da isteıtin kólik júrgizýshileriniń ortasha jalaqy mólsheri 750 myń teńge ekenin, osyǵan baılanysty turǵyndar arasynda áleýmettik saýalnama júrgizip kórgenin habarlap, saýalnamaǵa qatysqandardyń ondaı somany "óte joǵary jalaqy" dep aıtqanyn keltirgen.

Sonymen, jaýaptar legi tómendegideı:

— 750 myń teńge jaqsy dep oılaımyn. Eger maǵan sondaı kólemde jalaqy berse, rıza bolýshy edim. 

— Shynyn aıtqanda, men qurylys salasynda isteımin. 250-300 myń teńge tabamyn. Ol maǵan jetkilikti. Eger maǵan 750 myń teńge jalaqy berse, mıllıoner bolatyn edim. 

— 750 myń jaqsy ǵoı. Keıbireýler ondaı da jalaqy ala almaıdy. Qazir jalaqy az ǵoı. 

— 750 myń emes, 500 myń berse de qudaıǵa shúkir dep aıtamyz. Sol jetkilikti qazaqstandyqtarǵa. 

— Adamda qanaǵat bolýy kerek qoı. 750 myń teńge jalaqyǵa ómir súrýge bolady. Adamdar ondaı jalaqy ala almaıdy. Qazir 200-300 myń jalaqy alyp, nesıe, ıpotekasyn jaýyp júr.

 

Mańǵystaý oblysy Jetibaı kentinde West Oil Software kompanııasynyń jumysshylar ereýildetip jatqanyna 75 kún boldy. Munaıshylar jumystaǵy turaqtylyqty qamtamasyz etý úshin kompanııany "QazMunaıGaz" qurylymyna qosýdy, ESOT júıesine sáıkes jalaqyny teńestirýdi, tehnıkany jańartýdy talap etedi. Osy ýaqytqa deıin ereýilshilermen ártúrli deńgeıde kelissóz júrgenimen, eki tarap ymyraǵa kele almaǵan. Al keshe «QazMunaıGaz» ulttyq kompanııasy jumystyń turaqtylyǵyna, jalaqy máselesi men tehnıkalardy jańartý jaıyn sóz etken málimdeme jasap, munaıshylardy jumysqa shyǵýǵa shaqyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir