• USD 468.56

  • EUR 497.56

  • RUB 7.3

  • CNY 67.18

23 Aqpan, 08:54:12
Almaty
+35°

29 Qarasha, 2023 Saıasat

LRT: Qazaqqa jarmasqan jalmaýyz joba

Jik týdyratyn, jut shaqyratyn LRT jyry áli de bitpeıtin sekildi.

Foto ǵalamtor jelisinen alyndy

Astanada 10 jyl boıy qurylysy ne ári, ne beri emes bolǵan LRT jobasynyń jyry qaıta bastaldy. Kólik mınıstrligi qurylysqa aqsha surap, Ulttyq qorǵa aýyz salmaq. Toqaevtyń ózi LRT jobasy qate bolǵanyn aıtqan. Biraq ony toqtatsaq, shyǵyn odan da kóp bolatynyn sharasyz moıyndady.

Endi kólik mınıstrligi LRT-nyń áýejaıdan jańa vokzalǵa deıingi ýchaskesine 2023 jylǵa 52 mlrd teńge surap otyr.

– Bul qurylys bastalǵan soń aıaqtalýy qajet. Biraq oǵan qatysty sheshimderdiń tez qabyldanýyna qarsymyn. Áýeli ýrbanıst mamandar talqylap, ortaq sheshimge kelsin. Halyqtyń pikirin surasyn. Sebebi, elordalyqtar LRT men BRT-nyń ne ekenin bilmeıdi. О́mirine qandaı ózgeris ákeletininen habarsyz. Sebebi bizde ondaı tájirıbe eshqashan bolǵan joq, deıdi ýrbanıst Ashat Sádýov.

baǵanasy qısaıǵan LRT

 Salynbaı jatyp baǵanasy qısaıdy

 Ekonomıst Sábıt Rysbaev LRT-nyń kólik retinde qala halqyna paıdasy tıetinine senbeıdi. Ony tek jumyspen qamtamasyz etetin joba qajet dep sanaıdy.

– LRT áý bastan ımıdjdik joba bolǵan. Bizge LRT sonsha qatty qajet emes. LRT qoldanysqa berilgen kúnniń ózinde júktemeni azaıtpas anyq. Áýejaıdan vokzalǵa deıin kóp adam barmaıdy. Bul jaı ǵana sheteldikter kórsin degen ımıdjdik proekt. Stansalardyń sany basynda 18 bolatyn, keıin ony da 11-ge deıin azaıtyp tastady. Aıaldamalardyń arasy bir-birinen alshaq. Muny turǵyndar úshin qolaıly joba dep sanamaımyn. 2 mlrd dollarǵa budan da jaqsy, paıdaly jobalardy iske asyrýǵa bolar edi. Máselen, zaýyt, fabrıka ashý sekildi halyqty jumyspen qamtamasyz etetin jobalar bolsa. Al myna LRT-nyń esh paıdasy joq. Onyń ústine, qurylysy bitpeı jatyp, jemqorlyqqa qatysty qanshama adamnyń ústinen is qozǵaldy, qanshama adam qashyp júr. Bul túkke de qajeti joq joba, dedi ol.

О́zge elderde LRT-nyń quny qansha?

О́zge elderde LRT qurylysyna jumsalǵan shyǵyndardy Dına Elgezek bylaı mysalǵa keltiredi:

– Táshkende 422 mln dollarǵa 55 shaqyrymdyq 35 stansa salynǵan. 1 shaqyrymy 7,67 mln dollarǵa túsken.

Ulybrıtanııanyń Notıngem qalasynda 337 mln dollarǵa 14 shaqyrymnyń boıynda 23 stansa salynypty. 1 shaqyrymy – 24 mln dollar.

AQSh-tyń Sharlotta qalasynda 15,4 shaqyrymdyq LRT 462,7 mln dollarǵa túsken. Ár kılometriniń quny – 42 mln dollar.

Ońtústik Koreıanyń Ýıdjongbý qalasynda 469 mln dollarǵa salynǵan. О́zi 11,1 shaqyrym, ár shaqyrymy 42 mln dollarǵa túsipti.

Al Qazaqstanda she?

Astananyń 11 stansasy LRT-synyń ár shaqyrymy bıýdjetke 84,4 mln dollarǵa túsedi!

Bıfat Eltaeva

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir