Elimizdiń taǵy 4 qalasynda QAZBILIM ulttyq lıseıi ashylady

9 jyldan astam ýaqyt jumys jasap kele jatqan QAZBILIM GROUP kompanııasynyń bir baǵyty — QAZBILIM ulttyq lıseıi.

«Qazaqtyń ár balasy daryndy, Durys baǵyt berý — bizge paryz!»-dep ulttyq tárbıe men qundylyqty, sapaly bilimdi tirek etken QAZBILIM GROUP kompanııasynyń QAZBILIM ulttyq lıseıleri elimizdiń ár túkpirinen ashylyp jatyr.

Byltyr Aqtaý, Qostanaı, Atyraý qalalarynan ashylǵan ulttyq lıseıleri bıyl Almaty, Shymkent, Qyzylorda, Qaraǵandy qalalarynan boı kóterdi.

Sapaly bilim men ulttyq tárbıege negizdelgen lıseıde 5-11-synyp oqýshylary arnaıy qabyldaý emtıhany arqyly ótedi. Qazir ár qalada oqýshylardy qabyldaý qarqyndy júrip jatyr.

Ulttyq lıseı taza qazaq tilinde tereńdete bilim beredi. «QAZBILIM ulttyq lıseıi» oqýshylarǵa sapaly bilim berýmen qatar jan-jaqty qalyptasýy úshin ulttyq tárbıe; Birtutas QAZBILIM avtorlyq metodıkasy; Pándik olımpıadaǵa baǵdarly daıyndyq; UBT-ǵa keshendi daıyndyq; Qazaqstandyq jáne sheteldik úzdik ýnıversıtetterge túsýge baǵyt-baǵdar jáne kepildik; IELTS-qa daıyndyq; Dombyra, jetigen, t.b. ulttyq aspaptar úıirmesi; Sport úıirmesi; Shahmat, toǵyzqumalaq, t.b. ıntellektýaldy oıyndar arqyly ártúrli sharalar uıymdastyryp, bilimdi tek teorııa júzinde ǵana emes, tájirıbemen ushtastyrýǵa kóbirek mán beriledi.

«Mektep jańa kompıýterlik júıelermen, zamanaýı kompıýterlik tehnıkalar, ınteraktıvti elektrondy taqtalar, joǵary jyldamdyqty ınternet, mýltımedııalyq kabınettermen jabdyqtalǵan. Jeke kitaphanasy bar. Balalar úshin barlyq jaǵdaı jasalǵan. Olardyń demalatyn, tamaqtanatyn orny, sabaq oqıtyn kabınetteri talapqa saı jasaqtalǵan. Balalar toptyq júıe boıynsha oqytylady. Ustazdar joǵary, birinshi, ekinshi sanatty pedagogtar. Oqýlyqtar jetkilikti», — deıdi  «QAZBILIM GROUP» kompanııasy basqarma tóraǵasy Aıatjan Ahmetjanuly.

Esterińizge sala keteıik,

Qyzlorda qalasyndaǵy QAZBILIM ulttyq lıseıiniń ashylý saltanaty 26 tamyz, saǵat 10:00 de, Abaı dańǵyly 31 mekenjaıynda ótedi.

Shymkent qalasyndaǵy QAZBILIM ulttyq lıseıiniń ashylý saltanaty 27 tamyz, saǵat 10:00 de, Arǵynbekov dańǵyly 146 mekenjaıynda ótedi.

Almaty qalasyndaǵy QAZBILIM ulttyq lıseıiniń ashylý saltanaty 28 tamyz, saǵat 13:00 de, Tóle bı 291B mekenjaıynda ótedi.

Qaraǵandy qalasyndaǵy QAZBILIM ulttyq lıseıiniń ashylý saltanaty 31 tamyz, saǵat 13:00 de, Qurylysshylar 4 mekenjaıynda ótedi.

Tolyq aqparatty http://qazbilim.edu.kz/  saıtynan jáne 87019348008 nomeri arqyly bile alasyzdar.