"Qajylarǵa qııanat jasady": QMDB qazaqstandyq kompanııaǵa shaǵym túsiredi

Mýftııat Zam-Zam Qazaqstan kompanııasynyń dırektory Danııar Ilıevtiń ústinen sotqa shaǵym túsiredi. 

Qazaqstan musylmandary dinı basqarmasy Saýd Arabııasyna qajylyq paryzyn óteýge baryp, elge keri qaıta almaı qalǵan otandastarymyzǵa qatysty málimdeme jasady.

Mýftııat Zam-Zam Qazaqstan kompanııasynyń qajylarǵa qyzmet kórsetýge qatysty lısenzııasy osy jyly resmı qajylyq oryndaryn alǵan týroperatorlar tiziminde joq ekenin, olardyń qyzmetine múlde júginbeý keregin aıtyp, birneshe ret dabyl qaqqan bolatyn.

Sonymen qatar, osyǵan deıin qajylardy aldap, dalada qaldyrǵan kompanııanyń zańsyz áreketteri týraly quqyq qorǵaý organdaryna shaǵym túsirgen.

"Qoldan jasalǵan qajylyq vızalaryn paıdalanǵan kompanııa ókilderi sharıǵat pen zańǵa qaıshy áreketterin áli kúnge jalǵastyryp keledi. Qazaqstan azamattaryn zańsyz jolmen qajylyqqa ákelgen Zam-Zam Qazaqstan kompanııasynyń jetekshisi Danııar Ilıev zań aldynda jaýap berýge tıis dep. Olar sharıǵat pen zańdy belden basýmen qatar, "múftııat qajylyq kvotasyn satady, para alady" dep jala jabýyn doǵarmaı, endi "QMDB jalǵan qajylyq kvotalaryn jasady" dep aqparat taratyp jatyr"  – QMDB baspasóz hatshysy Aǵabek Qonarbaıuly.

Onyń aıtýynsha, osy jaǵdaıǵa baılanysty dinı basqarmaǵa jábir kórgen qajylar men onyń týystarynan Zam-Zam Qazaqstan kompanııasyn quqyqtyq jaýapkershilikke tartý boıynsha tıisti shara qoldanylsyn degen shyǵymdar tolassyz túsip jatyr.

QMDB qajylyq konkýrsynan ótken, qajylyq saparyn uıymdastyrýǵa qabiletti dep tanylǵan, múftııat jarııalaǵan tizimge saı týroperatorlar qyzmetine júginý qajettigin eskertti. Sonymen qatar, "QMDB jalǵan qajylyq vızalaryn daıyndady" dep jala japqan Zam-Zam Qazaqstan kompanııasynyń dırektory Danııar Ilıevtiń ústinen sotqa shaǵym túsiretinin habarlady.

"Olar Alla aldyndaǵy paryzyn óteımin dep kelgen qajylarǵa qııanat jasady" – delingen habarlamada.

Eske sala keteıik, buǵan deıin Zam-Zam Qazaqstan  kompanııasy qajylyqqa attanǵan 380 adamdy aldap, jalǵan vıza berdi degen aqparat taraǵan bolatyn.