12 Jeltoqsan, 2022 NEWS
Foto: Ashyq derekkóz
Astananyń jańa ákimi Jeńis Qasymbek LRT qurylysy qashan aıaqtalatynyn aıtty.
"LRT qarjylandyrý merzimine baılanysty eki-úsh jyldyń ishinde aıaqtalady", - dedi Jeńis Qasymbek úkimettiń keńeıtilgen otyrysynan keıin.
Buǵan deıin elorda ákimdigi LRT jelilerinde arqalyqtar men qadalardy montajdaý jumystary jyl sońyna deıin aıaqtalatynyn málimdegen edi.
2023 jyly temirbeton konstrýksııalardy ornatýǵa kirisip, ınjenerlik jelilerdi tolyqtaı júrgizý josparlanyp otyr. Qazirdiń ózinde 40 jınalmaly arqalyq qurastyrylǵan.
Aıta keteri, Astanadaǵy LRT qurylysyn jalǵastyrýǵa úkimet bıyl kúzde 20 mlrd teńge bóldi. Buǵan deıin jerústi metro qurylysyn aıaqtaýǵa 577 mln dollar qajet ekeni habarlanǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir