Úı alý úshin ajyrasý jıilegennen keıin tolyq emes otbasy jeńildik sanatynan alynyp tastaldy

Júrgizilgen taldaýdy eskere otyryp jáne otbasy ınstıtýtyn saqtaý jáne yntalandyrý maqsatynda "Baqytty otbasy" baǵdarlamasynyń qatysýshylarynan tolyq emes otbasy sanaty alynyp tastalyp, jetim balalar, 1 jáne 2-shi toptaǵy múgedektigi bar adamdar sanaty engizildi. Bul týraly Ortalyq kommýnıkasııalar qyzmeti alańynda QR IIDM Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Baýyrjan Qabdol habarlady.

Onyń málimetinshe, júrgizilgen monıtorıng "Baqytty otbasy" baǵdarlamasy iske qosylǵan sátten bastap ákimdikterde tolyq emes otbasy sanaty boıynsha kezekte turǵandar sany 72%-ǵa artqan. Bul – basqa kezekte turǵandardyń teń emes jaǵdaıyn týdyrǵan.

–  "Baqytty otbasy" baǵdarlamasy boıynsha ótinishterdiń 50%-dan astamy osy sanattan kelip tústi, onyń 35%-y jeńildetilgen qaryz aldy. Sondaı-aq statıstıka derekteri boıynsha 2019 jyly ajyrasýlardyń eń kóp sany tirkelgen – 59 796. Bul – 2009 jylǵy kórsetkishten 9,1%-ǵa joǵary jáne 2020 jylǵy ajyrasýlardan 20% tómen. Bul rette 25-39 jas aralyǵyndaǵy toptar 59% artty, – deıdi spıker.