Fransııada 100 myńdaǵan adam zeınet jazyn 65-ke deıin ulǵaıtýǵa qarsy narazylyqqa shyqty

Fransııanyń ártúrli qalalarynda on myńdaǵan adam jalaqyny kóterý jáne zeınet jasyn ulǵaıtý josparynan bas tartýdy talap etip demonstrasııaǵa shyqty, dep jazady Deutsche Welle basylymy.

Fransııanyń eń iri kásipodaq uıymy – jalpy eńbek konfederasııasynyń (CGT) málimetinshe, búkil el boıynsha ótken 200-ge jýyq ereýilge 250 myńnan astam adam qatysqan. Fransııanyń Ishki ister mınıstrligi 179 mıtıngke 118 500 demonstrant qatysqanyn habarlap otyr.

Narazylyq aksııasyn uıymdastyrǵandar el astanasy Parıjde narazylyq bildirýshiler sany 40 myńǵa jýyq bolǵanyn aıtsa, polısııa olardyń sanyn 13500-ge jetti deıdi. Bilim mınıstrliginiń málimetinshe, ereýilderge pedagogtardyń shamamen 11 paıyzy qatysqan. 

Bir kún buryn Fransııa úkimeti zeınetaqy reformasy týraly konsýltasııalardy uzartýǵa kelisken. Jańa zań 2023 jyldyń jazynda kúshine enýi kerek. Oǵan saı, zeınet jasy 2031 jylǵa qaraı birtindep 65 jasqa deıin ósedi. Qazir Fransııa turǵyndary zeınetke 62 jasynda shyǵady.