Reseıdiń 28 qalasynda ótken mıtıng kezinde 1000-nan astam adam ustaldy

Reseıdiń 28 qalasynda ishinara mobılızasııaǵa qarsy narazylyqqa shyqqan 1400 adam ustaldy, dep habarlady "OVD-Info" portaly.

Ustalǵandardyń kópshiligi Sankt-Peterbýrgte (565 adam), Máskeýde (536 adam) jáne Ekaterınbýrgte (48 adam). Polısııa bólimderinde ustalǵandardyń keıbirine Reseı armııasynyń bedelin túsirý baby boıynsha hattamalar jasalǵan.

Máskeýdegi narazylyqqa shyqqandardyń kóbi áıelder. Olar "Balalarymyz ómir súrsin!", "Soǵysqa jol joq" dep urandatty. 

Sankt-Peterbýrgte Isaak soborynyń aldyna da áıelder kóp jınaldy. Olardy polısııa qorshap, tutqyndaý kezinde demonstranttardy rezeńke taıaqtarmen uryp-soqqan. 

Reseıdiń Ishki ister basqarmasy elde ruqsat etilmegen mıtıng ótkenin habarlady. Alaıda ustalǵandardyń naqty sanyn jarııalamady. 

Sársenbi kúni Pýtın ishinara mobılızasııalaý (memlekettik qarýly kúshterdi beıbitshilik jaǵdaıdan soǵys jaǵdaıyna kóshirý) týraly qaýlyǵa qol qoıǵan.