20-dan astam ǵylymı, 400-den astam pýblısıstıkalyq maqalanyń avtory.
Qazaq, orys, aǵylshyn, arab tilderin meńgergen.
Foto: Rýstam Álıdiń facebook paraqshasynan
Jetisý oblysy Eskeldi aýdanynyń ákimi Rýstam Álı respýblıkalyq "Jyldyń eń úzdik memlekettik qyzmetshisi – 2022" baıqaýynda jeńimpaz atandy. Bul týraly memlekettik qyzmet isteri agenttigi habarlady.
"Elimizdiń úzdik memlekettik qyzmetshileriniń qatarynda bolý – úlken qurmet jáne jaýapkershilik. Maǵan júktelgen el men oblys basshylyǵynyń senimin aqtaýǵa tyrysamyn. Barlyq áriptesterime merekelerińiz qutty bolsyn! Birlesip atqarǵan jumys úshin daýys bergenderińizge rahmet. Jetisý oblysy bizdi úlken jumys kútip tur" dep pikir bildirdi Rýstam Alı baıqaýdaǵy jeńisine.
Alpysbaev Rýstam Álıuly 1984 jyly qazirgi Jetisý oblysy Eskeldi aýdany Qarabulaq aýylynda dúnıege kelgen.
Ál-Farabı atyndaǵy Qazaq ulttyq ýnıversıteti Shyǵystaný mamandyǵy boıynsha bakalavr, magıstratýra, doktorantýra dárejelerin támámdaǵan. I. Jansúgirov atyndaǵy Jetisý memlekettik ýnıversıtetin qarjy mamandyǵy boıynsha bitirgen.
Eńbek jolyn 2006 jyly "Delovaıa nedelıa" basylymynda tilshi bolyp bastaǵan. Gazette isteı júrip Centralasiaonlaine.com saıtynda frılanser bolyp qyzmet etken. Ár jyldary "Kaspıı" jýrnalynyń Qazaqstandaǵy resmı ókili, "Delovaıa nedelıa" gazeti halyqaralyq bóliminiń redaktory, QazUÝ Shyǵystaný fakýltetinde oqytýshy, "Delovaıa nedelıa" basylymy bas redaktorynyń orynbasary, Almaty oblysy Ishki saıasat basqarmasyna qarasty Jetisý jastary kásipornynyń dırektory, Jetisý ýnıversıteti Jýrnalıstıka kafedrasynda oqytýshy, Almaty oblysy Eskeldi aýdany Qaınar aýyldyq okrýginiń ákimi, Almaty oblysy Jastar saıasaty, Ishki saıasat basqarmalarynyń basshysy, Almaty oblysy ákiminiń orynbasary qyzmetterin atqarǵan.
2021 jylǵy 5 mamyrda Eskeldi aýdanynyń ákimi bolyp taǵaıyndalǵan.
Oblystyq deńgeıde basqarma basshysy bolyp turǵanda #TaldyParis, Han táńiri, Muqylaı jobalary, Orbulaq tarıhı shaıqasynyń rekonstrýktııalyq qoıylymy sekildi aqparattyq, tanymdyq, tarıhı túrli jobalardy iske asyrǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir