• USD 476.43

  • EUR 479.86

  • RUB 8.07

  • CNY 70

19 Tamyz, 20:35:02
Almaty
+19°

Abaı atyndaǵy QazUPÝ-da konstıtýsııalyq reformalardy túsindirý máselelerine arnalǵan «Saıası prosestiń jahandyq máseleleri» konferensııasy ótti. Is-sharaǵa QR Parlamenti Senatynyń depýtattary Nurtóre Júsip, Dınara Nóketaeva, oqý ornynyń rektory Darhan Bilálov, «AMANAT» partııasynyń qalalyq shtabynyń músheleri Almaty qalasy máslıhatynyń depýtaty Ámirjan Nábıev pen Tımýr Nurtaev, professorlyq-oqytýshylyq quramy jáne jastar isteri jónindegi basqarmalardyń, stýdenttik ózin-ózi basqarý organdarynyń tóraǵalary, belsendi stýdentter qatysty.

Sharanyń maqsaty – QR Konstıtýsııasyna ózgerister men tolyqtyrýlar engizý jónindegi jobamen tanysý, aldaǵy referendýmǵa qatysý boıynsha azamattyq ustanymdy qalyptastyrý.

Ýnıversıtet rektory Darhan Bilálov bizdiń memlekettiligimizdiń damýynyń jańa kezeńine qadam basyp kele jatqanymyzdy atap ótip, Prezıdent Qasym-Jomart Toqaev el bolashaǵy úshin óte mańyzdy qadam jasaǵanyn, saıası reformalardyń qajettigin jáne Konstıtýsııa aldynda barlyǵy birdeı teń ekenin aıtty.

«Ata Zańda QR barlyq azamattarynyń múddeleri eskerilýi tıis. Referendým - jańa Qazaqstandy qurýdaǵy alǵashqy naqty jáne batyl qadam. Barshańyzdy tańdaý jasaýǵa shaqyramyn», - dedi rektor.

Foto: Almaty qalasy ákiminiń baspasóz qyzmeti

Kezdesý barysynda spıkerler QR Konstıtýsııasyna engizilgen ózgerister men tolyqtyrýlar týraly egjeı-tegjeıli aıtyp, elimizdiń qoldanystaǵy Konstıtýsııasyna usynylatyn túzetýler demokratııany nyǵaıtýǵa, zańnyń ústemdigine baǵyttalǵanyn atap ótti. Referendým – jańa Qazaqstandy qurýdaǵy naqty qadam, al saıası reformalardyń basty tetigi Prezıdenttiń usynǵan konstıtýsııalyq ózgeristerine halyqtyń qoldaý kórsetýi bolyp tabylady jáne árbir qazaqstandyq eldiń damýyna óz úlesin qosýy tıis.

Nurtóre Júsip bul jańa Qazaqstannyń qoǵamdyq-saıası ómirine eleýli serpin beretinin atap ótti, óıtkeni ózgerister halyqtyń únin estıtin jáne onyń pikirin eskeretin memlekettiń negizderin eskeredi. Senatordyń aıtýynsha, ádilettilik, tártip, birlik jáne azamattardyń ál-aýqatyn jaqsartý Konstıtýsııanyń qundylyqtary bolyp tabylady.

Senator Dınara Nóketaeva reformalar halyqtyń qajettilikterine jáne ýaqyttyń syn-qaterlerine jaýap beretinin atap ótti. Ol bilim jáne ǵylym salasyndaǵy ózgerister, pedagog mártebesin arttyrý boıynsha memleket júrgizip jatqan sharalar týraly aıtyp, jas muǵalimderdi qoldaý múmkindikterin ilgerileý jáne jas ǵalymdarǵa otandyq ǵylymdy damytý úshin kómek kórsetý arqyly aýyl mektepterin kadrlarmen qamtamasyz etý qajettigine toqtaldy.

QR Parlamenti Senatynyń depýtattary referendýmnyń maqsatyn naqty túsindirip, qatysýshylardyń qyzyqtyratyn suraqtaryna jaýap berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir