04 Mamyr, 2022 NEWS О́zgertý

Jas ǵalymdar aǵylshyn standartty kitaptar negizinde bıologııany qazaqshalaý boıynsha joba jasamaq

Foto: Sultan Musahannyń facebook paraqshasynan

Qazaqtyń bir top jas ǵalymy QazGylym degen ataýmen qazaqsha ǵylym jobasyn júzege asyrmaq. Jobanyń basy-qasynda júrgender bıologııany qazaqshalaýdy, óz bilimin bólisýdi maqsat tutady, óńirlerdegi ýnıversıtetterge kómektesýdi qalaıdy.

Jobanyń aýdıtorııasy muǵalimder men stýdentter.

"Belgilengen taqyryptar tereń bolýy kerek dep ortaq prınsıpke eleń ettik. Qaısibir pánge sol salada jumys isteıtin, oqıtyn jáne kem degende doktorlyq istep jatqan ne bitirgen bir ǵalym qosyldy" deıdi joba uıymdastyrýshylarynyń biri, bıolog, jas ǵalym Sultan Musaǵan.

Jobaǵa shetelde bilim alǵan ıa alyp jatqan tómendegideı ǵalymdar tartylmaq:

1. Taǵam hımııasy – Gúljan Hamıtova (Ph.D., Italy, University of Camerino)

2. Aqýyzdar bıologııasy – Dalmıra Merjakýpova (Ph.D. candidate, Germany, Institue of Molecular Biology GmbH)

3. Dene Damý bıologııasy – Samal Tájibaeva (Ph.D. Candidate, Japan, National Institue of Genetics)

4. Immýnologııa - Aqmaral Raqymjanova (Ph.D. candidate, Israel, Technion Israel Institute of Technology)

5. Nanomedısına jáne Dári tasymaldaý - Balnur Jaısanbaeva (Ph.D. candidate, Kazakhstan, Nazarbayev University)

6. Psıhologııa - Erden Nýrtaev (Ph.D., Kazakhstan)

7. Bıohımııa - Sultan Musahan (Ph.D. candidate, Canada, Brock University)

"Osy jeti pán arasynda bizde jeti túrli sıllabýs shyǵarylǵan. Aqýyzdar bıologııasynan basqasy qazaq tilinde bolmaq. Sıllabýstar aǵylshyn standartty kitaptarynan jasalyndy. Barlyq leksııalar qyrkúıektiń basyna deıin júkteledi, ıaǵnı semestrdiń bastalýyna deıin.

Kelesi aptadan bastap biz vıdeo-leksııalardy ıýtýb kanalymyzǵa shyǵaramyz. Taǵy da aıtar keter zat, sıntetıkalyq bıologııadan NU Kazakhstan IGEM team komandasynan kútip otyrmyz.

Osy sátti ustana turyp, qoldaý kórsetken ýnıversıtet jetekshilerine rahmet aıtqymyz kelip edi. Lıazzat Sarsenova, Damel Mektepbayeva, Zhanar Temirbekova, jáne Aizhan Maratkyzy, Sizderdiń qoldaýyńyzben osy jobanyń kerek ekenine kóz jetti!" dep jazdy Sultan Musaǵan facebook paraqshasynda.

"Qamshy" silteıdi