27 Qańtar, 2022 NEWS
Foto: Ashyq derekkóz
Densaýlyq saqtaý vıse-mınıstri, Qazaqstannyń bas sanıtar dárigeri Erlan Qııasov qyzmetinen bosatyldy. Bul týraly premer-mınıstrdiń baspasóz qyzmeti málimdedi.
Vedomstvo málimetinshe, Qııasov Erlan Ańsaǵanuly bergen ótinishine sáıkes qyzmetinen ketken.
E. Qııasov 2020 jyldyń qyrkúıeginde densaýlyq saqtaý vıse-mınıstri, Qazaqstannyń bas sanıtar dárigeri qyzmetine taǵaıyndalǵan.
Ol 1973 jyly Almaty oblysynda dúnıege kelgen.
Qazaq memlekettik medısına ýnıversıtetin, Ortalyq Azııa ýnıversıtetin, Ál-Farabı atyndaǵy Qazaq ulttyq ýnıversıtetin, Turan-Astana ýnıversıtetin támámdaǵan.
Eńbek jolyn 1990 jyly "Almaty qalasynyń Jedel medısınalyq járdem aýrýhanasy" reanımasııa jáne qarqyndy terapııa bólimshesiniń sanıtary bolyp bastady.
1997-1999 jyldary Almaty qalasyndaǵy Áýe kóligindegi ortalyq sanıtarlyq-epıdemıologııalyq stansııasynyń sanıtarlyq dárigeri, dáriger-epıdemıology boldy.
1999 jyldan bastap 2020 jylǵa deıin Qazaqstan prezıdenti Is basqarmasynyń medısınalyq ortalyǵynyń qurylymynda, sanıtarlyq-epıdemıologııalyq stansııada jalpy gıgıena boıynsha sanıtarlyq dáriger, jedel bólim meńgerýshisi, sanıtarlyq-epıdemıologııalyq qadaǵalaý basqarmasynyń epıdemıologııalyq bóliminiń bastyǵy, "Sanıtarlyq-epıdemıologııalyq saraptama ortalyǵy" RMK dırektory, basshynyń orynbasary bolyp jumys istegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir