Resmı aqparat. Almatydaǵy tártipsizdik kezinde zardap shekkender sany belgili boldy

Almaty qalasy Qoǵamdyq densaýlyq basqarmasy qaladaǵy tártipsizdik kezinde jaralanǵan 190 adam emdeý mekemelerine júgingenin habarlady. Onyń 150-i jedel járdem boıynsha jetkizilse, 40-y óz ótinishi boıynsha barǵan.

"40 adam aýrýhanaǵa jatqyzyldy, onyń ishinde 7 zardap shegýshi jansaqtaý bóliminde, onyń ishinde 4 polısııa qyzmetkeri bar. Zardap shekkender arsynda 137 polısııa qyzmetkeri jáne 53 turǵyn bar" delingen habarlamada.

Almatyda el tarıhyndaǵy asa iri halyq narazylyǵy bolyp jatyr. Narazylyq Jańaózende suıytylǵan gaz qunynyń qymbattaýyna qarsy ótken mıtıngterge qoldaý retinde bastalǵan. Alaıda halyq talabynan keıin avtokólik gazy buryndaǵydaı 50 teńgeden satylatyn bolyp sheshilgenine qaramastan halyq alańdardan tarqamady.

Olar saıası talaptar qoıyp, úkimet pen N.Nazarbaev otstavkasyn talap etti. 

Halyq narazylyǵy Almatyda keı jerde jappaı tártipsizdikke ulasyp, ereýilshiler birneshe polısııa kóligin órtep, aýdaryp tastady.