"32 gradýs aıaz". Qazgıdromet aýa raıy boljamyn jarııalady

Qazgıdromet 28-30 jeltoqsanǵa arnalǵan aýa raıy boljamyn jarııalady.

Sınoptıkterdiń habarlaýynsha, eldiń soltústigine, soltústik-batysyna jáne shyǵysyna soltústik-batys sıklon áser etedi. Saldarynan qar jaýyp, boran soǵyp, jel kúsheıedi.

Sýyq aýa massalary áserinen respýblıkanyń basym bóliginde jaýyn-shashyn toqtap, aýa temperatýrasy tómendeıdi. Tek shyǵys pen ońtústik-shyǵysta aýa raıy qubylmaly bolady.

"Respýblıkanyń soltústik jartysynda aýa temperatýrasy 25-32 gradýs aıazǵa deıin, ortalyqta 15-25 gradýsqa deıin, ońtústik jáne shyǵys óńirlerde 10-18 gradýsqa deıin tómendeıdi" delingen habarlamada.