Saparbaev óziniń jalaqysy týraly suraqqa jaýap berdi

Jambyl oblysynyń ákimi Berdibek Saparbaev Ortalyq kommýnıkasııalar qyzmetinde ótken brıfıngte óziniń jalaqysyna qatysty suraqqa jaýap berdi.

Brıfıng kezinde BAQ ókilderi Jambyl oblysynyń basshysynan aıyna qansha jalaqy alatynyn surady.

– Bul meniń áriptesterime qoıylyp otyrǵan alǵashqy suraq emes. Mende memlekettik qyzmetkerlerdiń jalaqysy úkimet qaýlysy negizinde eńbek ótiline baılanysty belgilenetinin qaıtalaǵym keledi. Men áriptesterimmen birdeı jalaqy alamyn, - dedi Berdibek Saparbaev. 

Aıta keteri, buǵan deıin Ulysmedia.kz basylymy Berdibek Saparbaevtyń ekbekaqysy 865 180 teńge ekenin habarlaǵan bolatyn.