Kóshi-qon departamenti jumysyn qorytyndylady

Eńbek, áleýmettik qorǵaý jáne kóshi-qon komıtetiniń Shymkent qalasy boıynsha departamenti 9 aıdyń jumysyn qorytyndylady. Jyl basynan beri medısınalyq-áleýmettik saraptama bólimi 10 773 adamǵa memlekettik qyzmet kórsetken. Sondaı aq jıynda zeınetaqy jasy men muqtaj jandarǵa kórsetilgen kómekter sapasy jaqsarǵany aıtyldy.

Bul mekemege kómek surap júginetinder kóp. Kelýshilerdiń barlyǵy kómekke muqtaj áleýmettiń álsiz toby. Múgediktikti rastaıtyn qujattarda osy jerde beriledi. Sondyqtan muqtaj jandarǵa shynaıy, adal qyzmet etý kerek –deıdi departament basshysy.

Búginde Medısınalyq ádistemelik saraptama jáne baqylaý bóliminde aryz boıynsha 187 adam, baqylaý boıynsha 46 adam qaıta kýálandyrýdan ótken. Al jańadan taǵaıyndalǵan zeınetaqy men járdemaqy jáne qaıta qaralǵan tólemderdiń sany 103 010 quraıdy.

Zeınetaqy men járdemaqylar taǵaıyndaý boıynsha kórsetilgen memlekettik qyzmet 47 671-di qurady. Aıta keteıik, «QR-da azamattardy zeınetaqymen qamsyzdandyrý týraly» zańǵa sáıkes, osy jyldyń 1 qańtarynan bastap er adamdar 63, áıelder 60, al 5 jáne odan kóp balalary bar analar 53 jastan bastap zeınetkerlike shyǵý belgilengen.