Qurylysy aıaqtalǵan «1-m-1» qosalqy stansııaǵa tehnıkalyq synaq júrgizilýde

Shymkent qalasynda 2019 jyly qurylysy bastalǵan «1-M-1» qosalqy stansııasynyń qurylysy aıaqtalyp, búginde tehnıkalyq synaq jumystary júrgizilýde. Ornatylǵan transformatorlardy tekseristen ótkizý jumystarynyń barysymen press-týr kezinde BAQ ókilderi tanysty.

Atqarylǵan jumystardyń barysymen tanystyrǵan qalalyq energetıka jáne ınfraqurylymdy damytý basqarma basshysynyń orynbasary A.Ashaev qosalqy stansııasy synaqtan ótip, iske qosylǵanda qalanyń 5 birdeı eldimekeni sapaly qýat kózine qosylatynyn aıtty.

Atap aıtar bolsaq, olar Asar-2, Soltústik saıajaı, Qaınarbulaq, Dostyq, Qaıtpas-2 shaǵynaýdandaryndaǵy 60 myńǵa jýyq turǵyn qamtylady dep kózdelýde. Qorektendirý jelisi 110 kV quraıtyn qosalqy stansııa Bozaryq stansııasynan qýat alatyn bolady.

Jobannyń jalpy quny - 4,6 mlrd teńgeni quraıdy. Qosalqy stansııa zaman talabyna saı, jabyq jaǵdaıda salynǵan. Jelilerdiń uzyndyǵy – 5,2 shaqyrymdy quraıdy. Nysannyń qurylysyn merdiger mekeme «Elektromontaj» AQ júrgizdi.

Basqarma basshysynyń orynbasary qalanyń shalǵaıdaǵy shaǵynaýdandaryn sapaly elektr jaryǵymen qamtamasyz etý maqsatyndaǵy jumystar júıeli túrde júrgizilip keletinin aıtyp, ol jumystar únemi qala ákimi Murat Áıtenovtiń baqylaýynda ekenin atap ótti.