Tramp: Baıden Amerıkany álem aldynda masqara etti

Donald Tramp "Djo Baıden AQSh-ty álem aldynda masqara etti" dedi. Aq úı Aýǵanstanda qalyp qoıǵan amerıkalyqtar úshin Talıbanmen baılanysyn jalǵastyrýda.

"Bul evakýasııa bizdiń el tarıhyndaǵy eń qabiletsiz operasııa boldy. Biz álem aldynda masqara boldyq. Olarǵa 850 mıllıard dollarlyq álemdegi eń jaqsy áskerı tehnıkany bere saldyq. Bizdiń el eshqashan ótken aptadaǵydaı úlken masqaraǵa qalǵan joq" dedi ol Newsmax arnasyna bergen suhbatynda.

Tramp Baıdenniń AQSh áskerlerin aldymen evakýasııa jasaǵanyn aıyptap, "Olar aldymen áskerlerdi shyǵaryp alyp ketti, biz aldymen AQSh azamattaryn, sosyn áskerlerdi alyp shyǵatyn edik" dedi. 

Shamamen 100 amerıkalyq Kabýldyń Mazarı-Sharıf áýejaıynda jeke qutqarý reısimen Aýǵanstannan ketýdi kútýde.

AQSh memlekettik hatshysy Entonı Blınken sársenbide olardy Talıban kúshteri ustaǵanyn málimdedi. Blınken olardyń Kabýlden kete almaı qalýyn "qajetti qujattardyń" bolmaýymen baılanystyrdy.