Qytaı óziniń ǵarysh stansııasyna alǵashqy ǵaryshkerlerin jiberdi

Qytaı eldiń jańa ǵarysh stansııasyna adamdar jiberý jobasyn bastap, úsh ǵaryshkerdi orbıtaǵa shyǵardy.

Nı Haıshen, Lıý Bomıng jáne Tan Hýnbo atty qytaılyq úsh ǵaryshker úsh aı boıy qytaıdyń ǵarysh stansııasynda Jerden 380 km bıiktikte júrýi kerek.

Bul Qytaıdyń osy ýaqytqa deıingi eń uzaqqa sozylatyn ekıpajdyq ǵaryshtyq mıssııasy jáne sońǵy bes jyldaǵy alǵashqy jobasy.

Ushylyrym bolyp, jeti saǵattan keıin ekıpaj ǵarysh stansııasymen sátti qosyldy.

Qytaılyq mıssııany baqylaý ortalyǵy tarıhı sátti quttyqtady.

Beısenbide Qytaıdyń "Long March 2F" zymyrany arqyly "Shenchjoý-12" dep atalatyn kapsýlasy ǵaryshqa kóterildi.

Ǵarysh kemesi Gobı shólindegi ushyrý ortalyǵynan Beıjiń ýaqytymen 09: 22-de ushty.

Osy jolǵy ushyrylym jáne odan keıingi mıssııa Qytaıdyń ǵarysh keńistigine degen senimi men múmkindiginiń artýynyń taǵy bir dáleli.

Sońǵy alty aıda Qytaı Aıdyń betinen tas pen topyraq synamalaryn Jerge qaıtaryp ákeldi jáne Marsqa alty dóńgelekti robotty qondyrdy. Bul óte qıyn jáne kúrdeli  tehnologııalyq jetistik.